歌詞/全文

1.
眾人（白）： 大家呀，今著害、咱只杭州三年無落雨、田無播、園作路、正人無伙食通好度、乞食羅漢龜甲滿街路。
2.
眾人（白）： 老大人、餓甲嘴秋流叩叩呼、囝仔人、餓甲放尿袂籠褲。
3.
眾人（白）： 好加再、咱只杭州个地界、一間四季春、有米通宏份、大家來去領、通知乎知影。
4.
眾人（白）： 著々々、脚骨格乎硬正硬正、來去領米救性命。
5.
眾人（唱）： 通街百姓鬧彩々，領米報名立歸排。
6.
大舜（唱）： 大舜暗煩在心內，因何姚家無人來。
7.
象兒（唱）： 象兒來到米店口，共伊吓困小程留。看見人馬直直到，就共趕緊入內頭。
8.
象兒（白）： 外仔，人閣有个入有个出，甲卜搾舌崩邊骨
9.
大舜（白）： 噯呀、觀看來得正是我弟象兒、待我假做不知、看伊可能認的麼。
10.
象兒（白）： 頭家呀、好心好量。
11.
大舜（白）： 園、汝叫做甚麼名。
12.
象兒（白）： 我是呼做象兒、阮老父仔姚六舍、本成真好額、只馬治塊做乞食。
13.
大舜（白）： 呼、汝爹就是姚六舍嗎。
14.
象兒（白）： 着蚋。
15.
大舜（白）： 來々々、我一斗米過二圓銀乎汝、汝緊返𤆬恁老父仔來、我即大々賞賜汝。
16.
象兒（白）： 映、也汝號做甚麼名姓乎。
17.
大舜（白）： 汝不免問名、恁老父恰我就是古親成。
18.
象兒（白）： 甲按哖生、今嚕力、我卜返來去。
19.
大舜（白）： 是也、象兒回返前去、待我振濟完備、等待我爹到只。