歌詞/全文

1.
六舍（白）： 哈、我姚六舍那無露頭出面、均屬死也無人替我苦憐呀。
2.
六舍（唱）： 六舍煩惱苦袂了，無疑落這乞食寮。共人求乞真見少，那無無食忍未朝。
3.
卓氏（唱）： 短命汝那驚現世，青瞑汝袂去跳埤。飫甲無份半粒米，腹堵不著弓篾枝。
4.
象兒（唱）： 象兒夯拐佩加志，手牽老父湳淚啼。饑荒無塊通份米，敢个餓死無人疑。
5.
卓氏（白）： 噯呀、僥倖、饑荒無凍份、通庄仔無火煙、恰家嗎著餓甲宜々尊。
6.
六舍（白）： 呀、我昨冥夢見我大舜子兒、返來塊振濟人个米、共我相見真歡喜。
7.
卓氏（白）： 園、吓、有呀甲無恁大舜、作鬼仔來塊糴米、神魂塊甲汝相見。
8.
象兒（白）： 吓、老父仔、這無定著乎、人街市、有塊出告示、叫人明仔早起、著去領米。
9.
六舍（白）： 象仔、無得壳、有實在、汝卜去皆看覓。
10.
象兒（白）： 是我个代志、明仔早起、我即來去。