歌詞/全文

1.
六舍（白）： 噯呀、老個今日我子落井、是定歸死。你何用用石頭共伊沈落去呢。
2.
卓氏（白）： 噯呀！甲你老小子，代志浪總不知影也閣塊想子、你也未曉講、人跋落水、變水鬼、目睭念蕊々只嗎井那無甲墳起來、後擺仔一來污穢二來能叫交賛。
3.
象兒（白）： 着々々不通勸塊污穢驚大驚小。
4.
六舍（白）： 哈我子甲死、好呆總是恁母子主意。
5.
卓氏（白）： 趕緊搬石頭也閣帶塊堅猴……目屎一直流、你也無听人講、呆子著斷好子著糖、帶塊目青目黃漲破恁祖媽個腹腸。
6.
六舍（白）： 罷々了呀。
7.
六舍（唱）： 看見我子落井死，夯石沈井無延遲。大舜井底看景致，水底有路也真奇。石頭落水聲，烏天暗地起狂風。飛砂走石亂々損，六舍兩眼打失亡。
六舍（白）： 噯呀我命休了。
8.
卓氏（白）： 妖壽短命也便哀免塊假鬼假怪我也不知。
9.
象兒（白）： 老爹仔心肝無公平、目睭即能乎土砂粉打青瞑。
10.
卓氏（白）：噯呀…券子。
11.
象兒（白）： 呵阿母仔。
12.
卓氏（白）： 今大舜甲死、咱母子上欣喜。恁老爹仔青瞑乎伊食榮米、家伙錢銀浪總咱管理。
13.
象兒（白）： 着々々只嘛將青瞑老爸甲牽返來去夯鎖匙開粟倉看銀錢。