(一)
鹽埕區長郭萬枝，人人叫伊郭先生；做人慷慨佮有義，哎喲，欲交朋友著揣伊。
(二)
鴛鴦水鴨雙雙對，愛人比某有較媠；若欲相好喙拄喙，哎喲，袂凍結局上克虧。
(三)
一隻田嬰四支翼，阿君做人愛老實；毋通僥阮揣別人，哎喲，害阮規暝守空房。
(四)
二條菜瓜生相倚，大先出生有較大；愛人無愛咱著煞，哎喲，毋通出手甲人膏。
(五)
聽人咧講高雄好，欲好第一是愛河；咱若欲好去𨑨迌，哎喲，我的阿君好毋好。
(六)
一條手巾烏貓紗，欲送阿君少年家；阿君真久無來揣，哎喲，咁是僥阮揣別個。
(七)
人人叫伊林先生，厝裡有錢佮有妻；看阮生媠有佮意，哎喲，想欲娶阮做細姨。
(八)
天頂落雨霆雷公，溪底無水魚𠢕傱 (gâu-tsông)；阿君愛娘毋敢講，哎喲，親像痟狗亂亂創。
(九)
半爿山頂有一空，內面一空烏弄弄；伸手欲摸無半項，哎喲，咁是彼路仙洞空。
(十)
竹筍落塗目目柯，移山倒海樊梨花；阿君愛娘著來娶，哎喲，毋通放阮踮煙花。
(十一)
鐵釘落塗會生鉎，甲箬落水會捲蔫 (lian)；看有食無乾焦癮，哎喲，親像佛祖鼻香菸 (hiunn-ian)。
(十二)
人的阿君坐汽車，阮的阿君著用行；若欲好命著拍拼，哎喲，毋免一生過歹命。
(十三)
較早咧好帥仕相，即馬咧歹君僥娘；望君正行倒退想，哎喲，想起較早君愛娘。