歌詞/全文

1.
微微燈火照在樓窗　酸風鑽入房、　房中獨有阮一人  靜靜解心意　只有茶味香、　簷箭雨水滍滍涾涾增加阮苦痛、  風雨又無停心情又飄動　一生一擺的希望、　犧牲到現在  毋願來放鬆　毋願變成一場夢。
2.
想起當日年青時代　世情阮毋知、　只知初戀个情愛  會曉通快樂　袂曉通悲哀、  暝日希望爽爽快快快樂渡生涯、  雙人的幸福熱情永存在　可比陽春花當開、　無疑運命歹    落坑悲愁來　戀花變成相思栽。
3.
冬天暝長更深夜靜　風雨又寒冷、　想著紅顏多薄命  半途情來斷　枉費阮心情、　過去恩愛毋是希望康樂佮虛榮、  我是求美滿建設新家庭　哪知愛河起風泳、　一切情變恨    幸福又袂成　予阮自嘆渡人生。