歌詞/全文

六月算來是半年 玉蘭開花白微微 南風吹來清香味 紅樹蟬 哮岐岐
聽去杜鵑呌聲悲 聲聲哭出苦傷悲 心肝死人做爾去 放小子乎我的養飼。
七月算來七夕天 牛郎織女在河邊 七月初七卜相見 恨商霖 早過世
前世註定呆八字 這世甲君卜團員 呆命雪梅來帶爾 卜見君治非著後世。
八月十五月大光 雪梅思君入花園 看見百花開十全 看月光 想着君
十六目前入君門 並無甲君困同床 雪梅思想心頭酸 卜見君見君入閻門。
九月算來起九降 雪梅思君入繡房 提起針指繡花欉 繡双鳳 彫牡丹
又繡一隻孤飛雁 天邊海角亂飛環 聲聲哭出真哀怨 虧雪梅與恁同一欵。

摘自歌仔冊《雪梅思君歌》﹙捷發漢書部，1931﹚