歌詞/全文

唱出雪梅份恁聽 雪梅做人真端正 甘愿為君守清節 人傳名 好名聲
勸恁列位注心定 著學雪梅這所行 不通學人做呆子 無尫婿生子呆名聲。
正月算來人迎尫 滿街人馬鬧葱葱 前街鬧熱透後巷 人娶人 看迎尫
虧得雪梅守空房 十七八歲不嫁尫 目屎流落目頭紅 愿心守我子親像人。
二月算來春草青 草青青草仔發意 雪梅看子喉就漲 春天雨　落未晴
花担不繡布不更 冥日哀怨靈棹邊 心肝死人做爾去 等治時者能得相見。
摘自歌仔冊《雪梅思君歌》﹙捷發漢書部，1931﹚