歌詞/全文

*演出者：高雄飛、江添壽﹙以下簡稱「高」、「江」﹚

文聲公司特製「鐵齒銅牙槽」
高：大家欲聽坐歸位　我是台北艋舺高雄飛　拄著江仝{姓江的}佮咱相諍喙(tsìnn-tshuì)　鐵齒刺破咱雞胿。輸筊實在誠悽慘　目睭親像泪大潭　出門行路頭頕頕　講著恁得替我毋甘
江：高--ê仔　你這幾日藏佇佗　是怎樣遮煩惱　是有趁錢抑是無
高：頭殼頕頕佇咧行　衰潲予你打著驚　講甲我歹運誠有影　所致跋筊即袂贏
江：近來性地敢遐有　見講就是膨風龜　氣甲喙仔拄拄拄(tùtùtù)　用死尻川通去攄
高：予你帶著才跋輸筊　也是歹運真衰潲　一寡現金輸了了　袚鍊共人(kâng9)借差不多三十條
江：(安呢喔) 看你頭仔行甲犁犁犁　叫你加遇我帶衰　袚鍊一睏提遐濟　你去佗位共偷提
高：敢遐(kah-hia)衰潲做賊仔　毋信你四界(siak-kué)佮我查　無輸錢頭(sén-thâu)飽飽飽　欠用凊彩(tshìn-tshái)有地捎(sa)
江：你的信用真好用　到底你輸有幾千　你是啥物筊kah化興　近來才(tsiah)會遮才情
高：是我手頭家己趁　佮你講也無相干　這擺輸去一廿(it-lia̍p)萬　想著連呻(tshan)都袂呻
江：你的身分(我共你)看透透　家己展你手頭𠢕　近來錢頭敢遮厚　頂日銀行著賊偷
高：輸筊是我歹字運　管伊銀行拍毋見(Pham̄-kìnn)銀　事業我有作佇九份　一日著金幾百斤
江：看你第一𠢕開講　講你佇咧開金空{金礦}　你那有遐濟錢項　見敢是去偷銀行
高：專輸麻雀佮輾寶　明明有影你諍無　佮你這範袂清楚　我是鐵齒銅牙槽
江：[哪有啊] 無影直透諍有影　跋筊專輸毋捌贏　𠢕展早慢是吼痛　是你歁歁(khám-khám)毋知驚
高： [真心適] 逐擺你愛佮我諍　輸嘛是輸我的錢　做人毋免牙遮硬(ngī)　相諍敢有無通予你偏(占便宜)
江：明明無影你諍有　單單(tuann-tuann)跋筊不時輸　展你本錢偌大注　出門穿甲這身軀
高：[我也使予你共我管] 輸筊無愛格形裝　你煞講我𠢕膨風　若愛相諍作你講　
毋驚出門扎諍王
江：明明無影諍有影　相諍二字我真無驚　你我對頭聖拄聖(siàng)　諍覓才知輸贏
高：你講無影我捌諍有也　強強欲共我諍箸(ti)箸(tu)　相諍展你真師父　在我咧想閣毋認輸
江：是你招我共你諍　我敢有通予你偏　香菇共我諍作木耳　經衣諍做金白錢
高：金白共我諍經衣　栗子共我諍馬薺{荸薺}　牽手共我諍夥計　大某共我諍細姨
江：[安呢啊]

*臺史博知音分享會解讀