歌詞/全文

海水：啊，妳敢有這款的心肝，我實在真對不起妳，我真對不住，我真感激。金環、金環，世界上妳就是我的知己，就是我的知心的人啦。
金環：吳樣，我毋過恨你啦，我是過恨世間的人，我真愛你、我真愛你。我在煙花受苦毋是你硬逼我啦，是世間的人硬逼我啦。哈，真無趣味，世間真無趣味，今仔日你我兩个人，袂得達得到最後的目的，我生活在這世間有啥物希望咧？我早早就看破了這世間啦，我早早就覺悟了，早早我就準備運河是我一生最後的目的地啦。
海水：天公你敢正是創治人，你敢遐爾仔無公平，按呢我海水這款的環境，活在這个世間，有啥物路用咧？世間的一切我已經看破了。
金環：我的心肝真艱苦，我的頭殼真疼啦，我腸已經斷斷矣，吳樣我甘願綴你行啦！時間也無早，十二點霆了啦，頭家規日仔無睏，現時查某攏佇咧外面，你對頭前門出去，我對後尾門咱來去等啦。
海水：好，我才後壁門等你，啊我欲出來去矣。
金環：現時查某攏佇咧外面，這个時陣閣無人看，我就對後尾門趕緊來去走啦。
〔唱〕跳出此門心自由，了結今生來做收，他人希望長歲壽，無心只要想自由。薄命原來命不長，我恨世人無天良，頭家良心真不足，欺負孤女心真雄。

〔運河奇案5完〕
*臺史博知音分享會參考歌詞單解讀整理