歌詞/全文

主人：人客來喲，緊出來招呼人客。
老娼頭：來喲，人客啊逐家請坐啦。
眾人客：好好、遮坐、遮坐。
女：逐家食薰啦，人客啊，恁哪會遮罕行咧。
人客乙：哎唷抑閣散本抑閣請這烏𥴊仔薰啊
人客甲：昏暗阮幾个朋友相招來聽曲，我請問你，恁內面有幾个藝旦？
老娼頭：毋知人客你恰意啥物款的hooh？
人客甲：看有彼lo聲音較好的無，啊今恁四个叫啥名咧？
老娼頭：e……這个叫招弟仔、彼个叫罔市仔、抑徛著彼爿的彼个叫搖仔、彼个叫飼仔、啊彼个叫金枝仔、彼个叫玉葉仔啦！
人客甲：哈哈，啊，也有的遐大漢、也有的遐細漢、也有的遐肥、閣有的遐瘦喔！
老娼頭：若招弟仔較有歲、罔市仔較細，玉葉仔較肥、啊金枝仔較古錐啦。
人客甲：按呢生喔，啊到底啥人是藝旦咧？
老娼頭：e……金環仔是藝旦。人伊南北曲攏有學恁知無？
人客甲：有影無？金環仔。
金環：喂。
人客乙：抑無你彼號北曲唱一塊仔來鋪排咧啊。
金環：人客你毋知愛聽啥物款的乎？
人客甲：嘿嘿，凊彩，逐項就嘛好。
人客乙：《蓮英託夢》啦！
人客丙：這曲袂䆀這曲袂䆀，這塊袂歹聽。
金環：好啦，我唱喔。先生啊我唱喔。
〔金環唱《蓮英託夢》〕你把那冤枉事對我言講。一樁樁一件件、樁樁件件對小妹細說端詳。
人客丁：就無咧痟閣你對。
人客乙：啊我知啦，這ＯＯＯＯＯ較好，南管的啦。
人客丁：ＯＯＯＯＯ。ＯＯＯ啦！
金環：哈，我對喔？
人客乙：無唱一个彼號南管的予聽咧啦。
人客丙：ＯＯＯＯＯ的啊，南的啊。
金環：南管的是無？
人客丁：南的ＯＯ仔曲喔。南的一曲。
金環：喔好啦好啦。
〔唱《三千兩金》〕三千兩金費去盡，今旦流落至蘇州。元和為也，今旦來ＯＯ，ＯＯＯＯ，ＯＯＯＯＯＯＯ為何今旦ＯＯＯ。
男：啥物叫元和、和番 ＯＯＯＯＯＯＯＯ聽著毋才會快活閣。快活。
〔眾賓客連聲吆喝〕

〔運河奇案2完〕
*臺史博知音分享會參考歌詞單解讀整理