歌詞/全文

人客甲：電柱ＯＯＯＯＯ
金環：啊你這个人客啊，是藝術仔學無到，啥物頷頸若電柱咧。
人客甲：跳舞才是活動咧，上好真爽快，哇，查某官你是有影也有人緣啊，我真愛你。穿甲這號白紡綢的內褲啊，肉閣亦白閣。
金環：你這个人客哪會無資無格？跤來手也來？
人客甲：𨑨迌事啥物有資格？啥物無資格啊？我苦啊你佮恁父睨啊？向恁父𨑨迌也毋捌將生貴。恁父毋是無錢ＯＯＯ，正正錢買一个ＯＯ尿壺來佮恁父氣喔，擋你也會牢？轉來去喔！
人客丙：轉來，來，免予格屎。
主人：坐啦坐啦，人客啊。
人客甲：抑毋是咧肖閣，前恁父𨑨迌也毋捌將生貴。
人客丙：行啦、行啦。免佮伊講。
人客乙：轉來坐轉來坐。
〔眾人客吆喝離開〕
主人：金環仔，來。
金環：欲創啥貨？
主人：嘿嘿，拄仔彼陣人客來𨑨迌啊你是對𪜶失禮抑毋是啊？
金環：無啦，叫我佮伊跳舞跤來手也來，我叫伊毋通伊就受氣啦。
主人：我知喔，知你𠢕辭客喔。恁父千外銀仔佮你買喔。正正錢是欲買轉來趁錢不是欲買來食飯的啊。恁父無想ＯＯ想著火就著，搧一个予你！
金環：哎喲。
老娼頭：頭家啊，這擺諒情的，後擺若按呢才閣拍啦。
主人：諒情？後擺若閣按呢你就死喔。
老娼頭：金環啊，咱後擺是毋通按呢生，較緊的、閣內面閣坐喔。
金環：啊，我前世毋知做啥物罪惡，這世才來受著這樣的報應，父母將我的身軀來賣落花間，這樣受人客的糟蹋、受頭家來欺負，是親像在活地獄一般啊。
〔金環唱〕無人是親像我歹命，這條死路閣就行，頭家拍罵毋驚人疼，花間親像枉死城。

〔運河奇案3完〕
*臺史博知音分享會參考歌詞單解讀整理