歌詞/全文

拄者開天較少人 無分春夏佮秋冬 代誌毋捌甲半項 佮咱這拵無相仝
拄者開天人較少 落霜雪凍穿樹葉 一下寒嚇嚇跳 未曉穿較燒 抑未開化真可惜
開天較早是無起厝 山頭嶺尾四界龜 虎豹猛獸逐項有 會食咱人个身軀
天皇坐天設甲子 三百六日做一年 歷史來看免相諫 地皇才設日月星
地皇坐天才定歲 叫人趕緊請日月 內面歷史底所說 佇咧介紹激天地皮
日間昏暗恨無底 地皇坐天知影因佇咸池內 叫人趕緊請伊來 來照天地个世界
免講您馬知 地皇坐天令真重 這分查某著配尪 查補若欲娶某訂先送 要叫一个作媒人 兩箍銀請人馬佇咧行路工
這分父母佮兄弟 老母是地父是天 內親小妹佮大姊 外親舅妗佮阿姨
OOOOO親路就是生表小弟
地皇坐天分地理 創造八卦是伏羲 因个小妹女媧氏 擱會煉石去補天
有巢起厝予咱豎 較早有物青青食 無錢袂曉講散赤 有錢袂曉講好額

*黃裕元聽打整理，參考《萬項事業新歌》﹙竹林書局，1958.11，林良哲收藏﹚