歌詞/全文

唱出盤古開天地 開天即有伊一个 後來三皇分五帝 彼拵的人即較加
近來人一下濟 物項事業有人做 有的車皮鞋 有的西洋洗
有的做雨笠 有的補雨傘 有的賣雨幔 有的做鐵線 有的賣煎盤
有的補盤佮補碗 有的做豆干 有的炭空掘土炭 有的行船過後山
有的去彼太魯閣 有的牽番婆 有的底激腦 有的贌魚篙
有的做蝦籠 有的賣火烘 有的底箍桶 有的做長工
有的做園佮種菜 有的開山種鳳梨 講住佇青番界
有的賣柑栽 有的賣果子 有的賣麻糬 有的鑃白米
有的賣煎匙 有的底打鐵 有的底鑄生[鐵] 有的扞機器
有的做煎匙 有的車螺絲 有的訂版扣鉛字 有的帶佇鐵路部
有的鑄生豎大爐 有的帶佇機關庫 也有拭車面烏烏 有的佇底做驛長 有的卒業住役場 有的出家做和尚 有的行船過東洋
有的外國做生理 有的佇底炸蝦炸 有的搭戲棚
有的搬布袋戲 有的牽尪姨 有的佇底做童乩 有的看佛字
有的揹羅更 有的做先生 有的做西醫

*黃裕元聽打整理，參考《萬項事業新歌》﹙竹林書局，1958.11，林良哲收藏﹚