歌詞/全文

唱出盤古開天地 開天即有伊一个 後來三皇分五帝 彼拵个人有較加
近來人一下濟 物項事業有人做 有个鍤皮鞋 有个西洋洗
有个做雨笠 有个補雨傘 有个賣雨幔 有个做鐵線 有个賣煎盤
有个補盤佮補碗 有个做豆干 有个炭空掘土炭 有个行船過後山
有个去彼太魯閣 有个牽番婆 有个底激腦 有个贌魚篙
有个做蝦籠 有个賣火烘 有个底箍桶 有个做長工
有个做園佮種菜 有个開山種鳳梨 講住佇青番界
有个賣柑栽 有个賣果子 有个賣麻糬 有个鑃白米
有个賣煎匙 有个底打鐵 有个底鑄生[鐵] 有个扞機器
有个做煎匙 有个車螺絲 有个訂版扣鉛字 有个帶佇鐵路部
有个鑄生豎大爐 有个帶佇機關庫 也有拭車面烏烏 有个佇底做驛長 有个卒業住役場 有个出家做和尚 有个行船過東洋
有个外國做生理 有个佇底炸蝦炸 有个搭戲棚
有个搬布袋戲 有个牽尪姨 有个佇底做童乩 有个看佛字
有个揹羅更 有个做先生 有个做西醫

*黃裕元參考《萬項事業新歌》﹙竹林書局，1958.11，林良哲收藏﹚聽打整理