1. 也來說甲我唐山過 (ké)臺灣　心肝我就結歸丸
2.　我十三歲就過來賣雜細　彼兮 (hing-e){「彼種兮」連音，口語詞}搖一个鈴榔鼓　食到廿 (lia̍p)外擱猶無某[lia]
3.　錢無人煞悾　激心走去[甲人]學師公　彼兮龍角{牛角鼓、龍角鼓，科儀用樂器}歕無風　咒語煞念袂通[lia]
4.　阮先生無愛挃　共我結 (gēk)出來癮 (giàn)東風　到晌 (hiùng)時無地去　姑不將即去[甲人]學搬戲
5.　拄著十二月戲煞無人請　到尾即去[甲人]學補鼎
6.　阮師父叫我著牽噓呼 (thì-thū){火爐風櫃}　說着我若較骨力　即欲乎我對因 (in){他的}彼兮大新婦
7.　咱一介想講欲當 (tng)伊招　火爐着毋驚燒 意 (ik)着某彼兮着毋驚艱苦[lia]　風櫃我着共伊下命櫓
8.　櫓一下風櫃柄擱斷做二三節　阮師父癀發{火大生氣}共我蹔甲踢　罵我三三八八[lo]
9.　也彼陣煞我才無地蹛[lia]　也又閣煞滿街趖[ia]
10.　路尾手甲人去擔甜桃　彼兮頭一日擔出門　著拄着一个漚彪婆[lia]　一錢 (sèn)講欲共我買五個[lo]
11.　咱叫伊講毋通揤 (lih)　伊煞共咱拈 (níh)　咱叫伊毋通拈 (ni)　伊煞雙手搢 (tínn)
12.　彼陣我就共伊說　欲買汝就買　毋買汝著汰買　伊煞歹嘴共我詈
13.　我就毋捌看見汝這个查某　伊煞對胸仔共我絞咧　招我去見出所[nia]
14.　拄著一个巡查補　罵我生理人敢這土　煞蹛遐拘一晡{被拘留大半天}　轉去罰兩箍 實在有影想著 (típo)面着烏
15.　臺灣的錢真歹賺　寧可行李罔nā款　返來去唐山來去賣豆乾　

(唱：)
16. 恨我命運較毌是　過臺灣去無趁錢　交朋友無情義　返來厝　娶到歹某相共纏
17. 腳帛[是]路裡㧒{裹腳布掉在路上}　剃猴頭{短髮平頭}又點胭脂　鼻空口闊上 (tsiú)青苔{鼻孔黏著青色鼻涕}　跳過厝去招相罵　返來厝着大腿翹上天
18. 閣會偷抔米去換麻薯　前門出後門覕　去乎阮三叔公看一見　耶！搖頭欲拌耳{搖頭大嘆不是}
19. 煮去三坩 (khann)飯二壺糜　我未食　伊就挾雙塊 (ehhē)　食一下飽　漲肚皮　一日食飽甘願踮地坐
20. 展伊好手段　拆蚊罩補破被　人人來詼 (khé)　娶著歹某了家伙