歌詞/全文

1.（男唱）
台灣風景真正好 請您大家來𨑨迌 檳榔菁欉長躼躼 北部出名仙公廟。
2.（女唱）
台灣美麗的寶島 四季果子免驚無 也有鳳梨甲楊桃 台中出名芳芹蕉。
3.（男唱）
做田人透早起來 拖塊弄弄弄 稻仔大欉黃錦錦錦 今年仔收成仔有所望仔伊、 乎阮心歡喜 乎阮心歡喜心歡喜 禮餅送乎你。
4.（女唱）
二八青春時 每日塊思念心內阿哥仔你伊伊 歡喜那春天來伊 花開滿山花開滿山紅、 甘蔗到熟雙頭甜 要送乎阿哥你 雙人相好做工快樂伊仔伊 快樂伊仔伊 快樂伊仔伊。
5.（男唱）
歡喜那好年冬伊欲娶親妹 欲娶親妹你 糖甘蜜甜新婚時 雙人相𤆬刈稻欉、 雙人相好做工快樂伊仔伊 快樂伊仔伊 快樂伊仔伊。
6.（合唱/女/男）
基隆啊出名啊 仙洞孔 新竹仔出名伊都獅頭山啊。
台中啊出名啊 日月潭啊 彰化出名伊都八卦山啊。
台南啊出名啊 赤崁樓啊 高雄仔出名伊都春秋閣啊。
7.（合唱）
台灣風光實在好 請您一擺來𨑨迌 毋通講只一擺 請您較捷來𨑨迌。