歌詞/全文

外客：好啦！好啦！代先來睏即拍算！開錢，我袂傷凍霜哦！此腳皮箱你紲共我捾去囥，順紲紲閂房間門啊！
女：哈哈！皮箱閣交代予我捾，今我都順紲來共伊假攔（nôa）！大門我就來共閂，尹歪，你看有食無搥心肝！
男：啊好，房門關甲尹歪嚎，阮某踮遮咧出號頭，踮咧大廳假咳嗽，今都緊來去掠猴。開門！開門！
女：夭壽啊！啥人佇咧著猴損，三更半暝共人挵門？閣挵都毋相借問，順紲共你潑屎湯哦！
男：啊…你紲佮我咧佯生啦？你佮啥人咧膏膏纏？好啊！我看你也誠敢變？抑毋開，是欲用腳掙哦！
女：唉唷，開舍！今毋緊起來今都害！阮尪三更閣半暝來，此馬門若坔開都歹代，你我包穩都予刣哦！
外客：呔好？你毋是共我講你無尪？查某你也真敢害死人？抑今…看欲叫我走去叨位仔藏？眠床腳是藏得抑毋通？
男：好啊！人敢𤆬到房間內矣，門關起來我都知哦！恁爸將門踢予你害，兩个做陣拖出來！
外客：唉唷…，好心咧！你毋通遮受氣啦！我都毋知影，毋是刁遲的你知毋？你都帶念我蹛佇外鄉里，我都毋知影是恁妻兒啦！
男：啊…，出外也敢遮酷刑？你專門敢來到阮房間？恁父共你吊起來林（nâ）尾仔頂，即來共你冷冷冰！
外客：唉唷…，你是欲共我吊啥孔？是恁牽手的咧𠢕做人，物件共我捾去藏！唉唷…，我都毋知影伊有尪你知毋？
女：人he無影！人我早起去看會館內，是伊強強綴人來--的！我都共講有尪婿，抑伊攔死攔賴強來開啦！
外客：今好囉！下頦你也誠敢落，敢用甲此款的孔頭？銀票規捲你共恁父捾咧走？唉唷，叫恁尪來掠猴咧？
女：唉…，我共你講啦！你這消磨無彩工！我是看你出外人，共你講情叫伊放，銀票分寡予阮尪！
外客：唉唷，做伙講都無三句話，拄拄仔門關起來即有衰哦！好啦！看伊欲挃偌濟啦，提去捾來予我提啦！
男：今偌濟？三兩百銀，我毋肯啦！上少嘛都幾偌千！無若予恁父若發性，搶入來到底都無情哦！
女：我共你講，提兩千銀予伊趕緊轉！毋免予伊拖屎尾溜，結局是你較大耳，後擺你都較躊躇。哈哈…，大耳的啊，彼个錢銀看破了！若無，吊猴你都討衰潲！人是愈濟愈散赤，皮箱捾起來緊曠蹘哦！
外客：好…，看破！看破！了錢閣再也無體面啦，閣予*人潑kah欲拖屎連！出外的人，實在都毋倘像我此隻豬哥仙！
男：唉啊，看著查某你都愛，你實在欠人材，出門若無看所在，隨時是會予人掠去刣哦！出門做人都守己，貪花亂守愛妻兒。此款美人局到遮止，近日蹛欄（nôa）開公司！

(臺博美人館、完)
*臺史博知音分享會解讀