歌詞/全文

女：自動到遮sitopu（stop），車螺今毋免一直tu！對面彼間就是我的厝啦，所在無倘傷工夫！
外客：哇…，彼間閣也真麗倒你知毋？He閣起佇咧大路頭！自動車閣駛kah到，車錢我提予伊，今來恁兜好毋？
女：好啦！你且踮咧遮小等待，我入來通知阮阿母仔知，叫伊先去傳鋪蓋，我若出聲你即來！開門！開門！
男：啊？啥物人咧叫門？
女：我啦！你創啥潲？一个門哪會關牢牢？
男：唉啊…，你此个查某蓋毋好！你講出路閣一路啦，恁爸枵甲輪輪翱！你欲牽大耳牽佇叨？
女：有哦！哦啊…，我牽一隻誠大隻，一對耳仔閣夯夯夯！恬恬你且去隔壁，連鞭有倘予你食啦！
男：好！好！好！你都注意較要緊哦，毋倘弄假紲成真！
女：袂啦！
男：按呢我是敢變面哦，潑一桶屎水共你淋！
女：免驚啦！做你安心免煩惱，佮伊啥款是斷然無！你且去隔壁眠床的倒，也毋倘走去四界趖哦！
男：著！著！著！此款毋免你交代，公園若關我都來！大耳若佇眠床內啊，你都緊咳嗽予我知哦！
女：好啦！我若開門即假咳嗽，彼陣你即來掠猴！抑去叫酒菜連鞭到，我來叫伊來阮兜。

女：開舍的，入來哦！唉唷…，人阮阿母仔佇咧叫！入來啦！外口寒寒hē-hē趒，來阮兜隨便毋倘叫，抑我捾一罐酒欲予你啉燒。
外客：哦啊…，按呢初相逢無熟似，怎麼來到地都予你散財哦？哦啊…，也都工夫辦甲遮澎沛？今下昏若欲啉，逐家來ko！
女：啉哦，開舍！酒捧起來啉，菜都用！酒啉較濟較正經，我是毋敢共你敬，物件予你鬥陣去用！
外客：唉啊…，毋囉！毋囉！啉甲傷濟是真歹孔哦，我若酒醉閣會跳童！實在你生去誠活動，到底是有尪，抑無尪？
女：哈哈！尪是尪名佮某樣，我也無佮伊做新娘。一時一人會曉想，眠床都毋捌睏仝張。
外客：哦…，尪某實在敢無和有影誠艱苦哦！恁的序大人也都誠糊塗，寧可來嫁我做某，趁伊欲挃（ti̍ⁿh）幾千箍啦！
女：唉啊，人阮無遐大細膩，也紲按呢共我消遣。唉…，我人生成猴頭閣鳥鼠耳，無送你嘛無愛挃！
外客：哈哈哈！你若來予我做牽手，逐項我嘛予你真自由！啊…酒醉愛睏kah夭壽，酒桌今你毋都緊去收！
女：好啦！愛睏，來去眠床的倒！先看遮啉了即發落？眠床差差的無倘好，你毋知有棄嫌抑是無？
外客：唉啊…，逐家無嫌欲做陣，敢有論甲遐呢真？一暗半暗啥要緊？無定平時你真𤺪矣！
女：哼？嘴講別項你都讓我做，今仔日敢佮我咧拍笑詼？你若轉去緊去做，我嘛毋予你害去玲瓏踅！
外客：唉啊…，我都有影即有講，開幾百箍開了無妨哦！此五百妳先提去較穩當啦！你敢毋知影我遮一隻大豬公？
女：大遐貨？
外客：哈哈，大『豬公』啦！
女：哈哈！都去大路遐出去，我去提一寡我私奇，抑無我都來去銀行的行，轉來陪你參少爺。

*臺史博知音分享會解讀