歌詞/全文

1.
本島首都臺北市 夜間風景真希奇 公園有名貓狗戲 黃昏耍到一半暝
文明查某嬰 真標緻 那西施 噴水池邊 樹腳讓伊 二个講恰笑微微
2.
行入蓬萊閣旗亭 走樓親切恰叮嚀 檢番花譜提來揀 幼良寶惜及桂英
曲唱清風亭 寶連燈 二進宮 李樣起行 黃樣收兵 二个對唱献西城
3.
行到臺北第一樓 看見男女亂操操 不知為何塊計較 就是嫖客被吊猴
檢番隨時到 老蔥頭 講阮兜 一个排後 一个排頭 無錢也敢欲來到
4.
娛樂機關真濟款 麻雀流行到極端 李樣講伊真慣串 坐陣入去打四圈
起莊就是阮 大三元 麼九番 一氣通貫 福祿雙全 落場大胡教數番