歌詞/全文

開錢無人家己款 我共阿君鬥陣攢 咱者將前有發願 就較進前冗早攢
冬蜜甘草攢到位 湯匙甌仔捧做堆 一時共伊看遮爾媠 心肝思著十分開
趕緊呌哥收去囥 飼甘草水在眠床 三日若欲熗油飯 浸米著攢五斗缸
人講冗加無冗少 秫米緊糴十四石 買寡蝦米真鮮沢 二九下晝金通燒
三日拄好是二九 秫米汝糴十四包 拍算按呢敢有夠 冗加通貺厝邊兜
也攢猪油佮味素 買九斤半的香菇 著攢較濶个住所 作三十塊新𥴊壺
二九日子一下到 親情五十相嗑頭 也有少年也有老 𧿬踏規間佇咱兜
親情五十來遮多 朋友姊妹有交陪 我抵地驚恁無工藝 拜託共阮鬪刣鷄
人客規間全到位 坐坐排排做一堆 看著阮囝面形媠 心肝思著十分開
冗早牲禮著攢好 廳頭香燭點著著 厝邊真予我會呵咾 會曉共阮鬥發落

（病子歌5 完）
*臺史博知音分享會解讀，參考歌仔冊《最新病子歌》(玉珍書局印製發行,1932 年 4 月印刷出版)