歌詞/全文

病囝六月真見笑 不時眠床倒牢牢 愛食燒肉佮水餃 三當無食毋知枵
看娘酸澁食袂𤺪 著請先生毋通延 我甲今日才看現 腹肚敢會彼大圈
病甲七月猶咧病 不時不日思食甜 腹肚一日一日牚 勸哥毋免請先生
斟酌共娘偷看覓 才知娘仔是懷胎 頂重下輕行袂在 請人替娘才應該
八月人猶真艱苦 跤痠手軟穡袂摸 心肝進慒欲啥步 愛食馬薯炒香菇
我今發落去料理 共炒香菇參馬薯 喙仔文文成歡喜 毋知汝落佇當時
九月才共兄實說 拍算敢是落后月 著緊買菜予阮配 今日欲食一寡糜
醬瓜𤉙肉好毋好 恰鹽才配食能落 後日就有囝通抱 免得本成夆笑無
十月倒佇眠床內 人真艱苦報兄知 去呌產婆來看覓 抾若明白通轉臍
囡仔腹內咧發作 央人共咱呌產婆 看娘摔跋真煩惱 恨咱少人跤手無
（病子歌2 完）
*臺史博知音分享會解讀，參考歌仔冊《最新病子歌》(玉珍書局印製發行,1932 年 4 月印刷出版)