歌詞/全文

產婆來到講猶未 囝仔都猶未翻胎 腹肚疼甲花花說 不定會死無辨胚
產婆今來咧等候 抾姐只个第一賢 拍算時間猶未到 毋通思心目滓流
敢會為囝無性命 阿哥汝真毋知驚 腹肚攪絞僥倖疼 講話都也袂大聲
廳頭清香燒三支 下欲正神鬥扶持 是男是女緊出世 毋通延延聽候時
產婆共咱援腹肚 囡仔隨時生落塗 佳哉神明相保護 毋知查某抑查埔
一時聽著囝仔聲 三步撥做兩步行 入來看著才知影 想著替娘一直驚
產婆手勢正實好 囡仔出世衣隨落 今生過手無煩惱 問君燒水有抑無
今我來去攢燒水 手巾紲提做一堆 著洗較袂觸惡鬼 未前生囝先生衣
記得都無一敢久 轉臍紲咧洗身軀 趕緊共哥伊吩咐 衫仔著包較工夫
娘仔汝生頭上子 身軀洗好紲包衫 趕緊抱倚予娘看 五點外鐘變到今
（病子歌3 完）
*臺史博知音分享會解讀，參考歌仔冊《最新病子歌》(玉珍書局印製發行,1932 年 4 月印刷出版)