歌詞/全文

旁白：這站專專著是欲講新款 講起這烏猫佇咧排斥這个烏狗團 這爿黑狗大不愿 兩爿反僥結大冤
烏狗：第一條是勸咱遮社會界 現代文明得恁嘛知 黑狗叫黑狗(吆喝) 來我甲你交代 毋通甲遮个烏貓亂亂來 若娶黑猫來到顧家內 屎桶枋絕對未使準神主牌
烏貓：唉唷我第二唷 黑猫勸咱這眾阿姊啊 咱恰媠黑狗著毋通挃 毋通看着就甲意 山狗是不比狐貍[唉唷有影得著]
烏狗：第三我欲勸阮遮修善著較早[咧] 兄弟仔恁有讀書開化著緊收脚 暗時毋通走去公園佮遐黑猫亂亂咬 咬着佇遐癩膏貓毋是猫
烏貓：第四著通知咱遮姊妹伴 黑狗海口極𠢕爛 出門穿西米lin-lang可比真好看 實在踮厝底做鱸鰻 [有影得著啊]
烏狗：五改勸咱逐家 好猫實在揣起來無幾个 出門縖裙掛目鏡展伊真有禮 在我底看逐隻得那虎把 [有影咧]
烏貓：第六交代正同窓 我第一毋愿黑狗王 專專是彼隻底煽動 便那乎咬着便發癀 規暝摳摳傱
烏狗：第七勸咱運轉手 黑狗做久倖着緊緊修 若去遇着野貓展脚手 予貓爪抓著你著目睭
烏貓：第八交代姊妹啊 著注意喔 十个黑狗是九个無錢呦 見面甲人踮遐汁汁滴 看有食無膏膏纒 纒甲一半暝呦
烏狗：第九先勸講為未得通了 我講逐句得無嘐潲 烏猫無大也欲出來痟 嫐个毋媠 媠个擱毋嫐 [是啦]
烏貓：十勸姊妹 恁著恰大慨 嫁尫咱是毋通揀人才 若嫁黑狗絕三代 不如無尫較天苔
旁白：黑猫佮黑狗是家己足匪類 正實禽獸無安呢做堆 人來學猫粧甲媠媠媠 黑狗看着嘴扒甲開開開 這欵風俗蓋毋好 逐家咱今着改乎無 有咱社會界來做參考 是咱世界个大功勞 記得較早就無這咧欵 這是西洋遺入著咱台灣 乎遮黑貓大不，愿 專是排斥黑狗團

*臺史博知音分享會解讀