歌詞/全文

麗秀：哥哥，你欲出外身軀就要保重。著確你會記得我佇咧厝佇咧等待你倒轉來。
清俊：妹妹，你毋免掛意啦，雖然毋是永久不見的愛，我對你的情你敢毋知影？我人雖然是出外，毋過心肝猶原定定在你的身邊你知影毋？
麗秀：哥哥，無論有代誌無代誌，無論到叨位，你猶原就定定寫批轉來安慰我我才欲。
清俊：好啦，好啦，你做你安心。我得該寫批轉來逐日安慰你。但是你也就逐張就予我我心肝才會安慰你知影無。
麗秀：明知你講啥物會閣倒轉來，毋過毋知怎樣我的目屎是強強欲流出來咧。
〔麗秀唱〕花開大雨逼落地 風浪遠來也斷花 郎君此去得緊回 憐我風中待君回
素蘭：小姐，毋通煩惱咧，這改會得通成功倒轉來佮你做陣啦。
麗秀：雖然是按呢，不過我目屎是強強欲滲出來了。
素蘭：你毋就想講今仔日出門是為着你兩个將來會得通幸福來共想按呢生，心肝自然就會得通開去。
麗秀：素蘭，今也真暗了，你就緊去睏嘿。唉，我所愛的人，你就緊成功倒轉來嘿。
〔麗秀唱〈望春風〉〕想欲郎君做翁婿 意愛在心內 等何時君來採 青春花當開 忽聽外頭有人來 開門共伊看覓 月老笑阮戇大呆 予風騙毋知

〔望春風4完〕