歌詞/全文

滿福：素蘭，你走到彼雄，要去都位咧？
素蘭：阮卜來去叫一聲，咱小姐真正無快活你知不？
滿福：呀，小姐是什麼病，昨暗都好好，那彼緊都變到按呢？
素蘭：誠奇怪，昨暗夢見一个夢，早起煞艱苦苦。
滿福：乎，省麼夢？那會彼利害？
素蘭：省麼講伊塊聽Viorin的時，伊當一个酒小吓來到位，將Viorin姆塊講省麼做彩～都去叫一个Viorin先生來偕看覓，我則想卜來去請看有一个可來一並無？
滿福：乎，按呢都也是有理緊去都緊返來。
素蘭：老頭加我對你介紹，這位就是東西舞場的樂師清俊君，論伊的藝術，頂日報紙也有塊偕褒掌你知不？
滿福：呼，名不虛傳真是才子～
清俊：豈敢～，鄙人名叫清俊。
滿福：素蘭，𤆬伊入去後面談這呼小姐听咧。
素蘭：好啦。
麗秀：素蘭，你反啦是不？
素蘭：小姐，我案內清俊君來呀咧！
麗秀：久仰你的藝術，今日能得你來，我是感覺真爽快拜託你奏一曲乎阮听好不？
清俊：我今日能得來這佮你做陣我是感覺真幸福你知不有什麼佮心色你愛聽對花好不？
麗秀：是曲盤常常塊唱彼塊是不？
清俊：是，若是會曉，無我奏你唱。
〔清俊唱〈對花〉〕春梅無人知 好花含蕊在園內 我真愛 想要採 做你來 糖甘蜜甜的世界
清俊：啊，時間晏了，我着緊來去舞場則能用吓。
麗秀：那都彼緊咧，阮尚有淡薄仔代誌則要對你講咧。
清俊：我嗎却真愛站者佮你做陣，無按呢，咱都尚有機會，我明仔再則擱來，你請。
〔麗秀唱〈一身輕〉〕何故費心神 不可想卜樹緄藤 看破佮要緊 情絲一切刈伊盡 無戀 自然一身輕。

〔望春風2完〕