歌詞/全文

〔麗秀唱〈望春風〉〕
孤夜無伴守燈下 清風對面吹 十七八未出嫁 見著少年家 果然標緻面肉白 誰家人子弟 想要問伊驚呆勢 心內彈琵琶
素蘭：小姐你塊看省麼？
麗秀：素蘭，舉Viorin彼個青年，你識伊不？
素蘭：呼，彼個人嗎阮識伊吓咧。
滿福：成好！尚無嗎着下方只嘮酒來飲人嗎則會爽快。
麗秀：爹爹，你哪會則醉咧？
滿福：省貨！恁才晏那也未睏咧？查某囝仔人不着恰早睏吓。
素蘭：老頭家，你酒醉都緊去睏則好，阮要佮阮小姐少秋秤咧。
滿福：省麼秋秤咧？哈哈哈我知嘮，查某囝仔人坐咧，都是想東想西。
麗秀：阮也無想省个，今日真熱，恰涼我一吓則來去睏，爹爹，你酒即呢醉，着緊去睏，則好。
滿福：睏，這塊彼睏，坐咧也卜睏，倒咧也睏，帶治灶空前都煞睏，夢見這臭火煙，精神爬起擱尋無圍身裙。
麗秀：阮爹的人，自己忐忑到三更瞑半，瞑時半步都不乎阮出門，這嘮不自由的身軀，不知都繼續到治當時？
素蘭：小姐，不免煩惱啦，你的心肝我知影，明仔早起我則佮你設法到好勢啊好勢。
麗秀：呀！我的心肝那會按呢咧？
〔同唱〕見着一擺阮就愛 暗暗藏在心肝內 瞑日期待那不來 攏無替人想看覓

〔望春風1完〕