歌詞/全文

旁白：台灣風俗捾子孫桶二段。
（音樂）
女：ＯＯ啊。
男：喂！
女：哎喲，四句你也真𠢕唸，予人呵咾攏無嫌，紅包箍二攏無減，若是小个毋通嫌。
男：好啦，啊若按呢。子孫桶捾到門跤口，攏無共你討紅包，新的大厝輕空吼，雙喜吊甲滿廳頭。
女：對啦。四句講到遮到禮，紅包我攢較大个，雙手我未凸規把，抑無予你家己提。
男：按呢生喔？
女：對啦。
男：子孫桶我擔到砛簷口，雙跤踢著金獅狗，踢一個甲嘛嘛吼，險險捙畚斗，閒人就緊走，走到門跤口……哇！這紅包上麗篤。子孫桶閣捾到廳門前，予你子孫代代都有路用。
女：按呢。
男：讀書會功名，做官會高升，六部閣兼九卿，公侯作宰相，武官做大將。
男：有的作總兵，主人真無閒，人客歸大間，紅包緊提來千！
女：對啦。
男：子孫桶捾過大廳門，大廳蠟燭點滿光，塗跤閣鋪金磚，金銀賰到袂當囥，買田閣買園喔！
女：按呢喔！主人阮有擔當，紅包趕緊提來算！
男：哎喲我雙手是接不斷，手骨這馬毋驚痠。子孫桶捾入厝，錢銀予你礦礦富，買田閣買厝，濟囝閣濟媳婦。
男：紅包包阮有，袋甲滿身軀，按呢敢袂輸，主人娶新婦，愛我講四句，紅包提袂赴。新人來開注(賭博用語:新開一局)，敢會遮工夫。子孫桶捾入戶橂內，予你添丁大發財。
女：按呢喔。
男：娶某是好代，七子佮八婿，紅包我敨看覓，趕緊閣再來。
女：主人𠢕拍派，笑甲裂獅獅。逐家遮等待。你遮𠢕鋪排，就勻勻仔來，紅包是規籃內。
男：新人來塊開，獨包即年咳， 你敢都無知？
男：子孫桶捾甲房門口，雙手捾過戶[木奠]頭，內面閣誠麗篤，新被新蓆無虼蚤，壽燈頭閣無油垢。新娘毋通吼，新郎遮呢𠢕，生囝會出頭，主人誠廣交。且囥塗跤兜，等待恁（的）紅包。這馬子孫桶捾入房間內，洞房花燭(是恁)合應該，富貴真發財，錢銀碰碰來。
女：新郎聽著笑咍咍，喙仔閣離獅獅，好話連續來，敢會遮高才……哇！遮呢𠢕鋪排。
男：哇，子孫桶捾到眠床內，新娘新噹噹，新人欲好空。洞房花燭𪜶兩人，雙手一个放，徛咧叫主人。遮是屎桶巷，你就紅包予我紅！
女：有啦。
男：子孫桶捾到位，袋仔喙開開開……哇！錢銀囥到誠大堆，代代閣會富貴，翁某成雙對，合婚受花胎，連生凡落界，有的做舉人、有的做秀才、有的做運使、有的做道台。
女：喔哇！按呢喔。

（台灣風俗：摜子孫桶下 完）
*臺史博知音分享會解讀