歌詞/全文

男：奧稽唱片公司，台灣風俗捾子孫桶頭段。
男：今日真發財，娶牽手，逐家啊！[啥貨？]
男：新娘來囉！燒金放炮喔！[對啦！]

（鑼鼓八音聲，鞭炮聲）

男：哇！新娘到位矣牽新娘出轎喔！
女：好啦我來牽喔。
女：新娘到位矣，ＯＯＯＯＯ共咱捾子孫桶。ＯＯ的喔！[嘿]
女：緊喔，子孫桶緊共我捾入來喔！
男：好喔，今仔日娶新娘閣誠聳，閣叫我捾子孫桶喔？[行啦]
男：好啦。我來啦。
男：來共你捾子孫桶。共捾入去新娘房。都也輕輕無偌重，就包一个紅包予我紅？
女：你就斟酌捾予好喔。紅包你也免驚無啦，四句你若講予清楚，我後爿紅包多多多。[有影無？] [有喔]
男：哇，這子孫桶才捾咧叮噹吼，雙手捾咧走。啊我嘛總想欲趁彼个紅包，好話我才欲開喙，新娘閣誠媠翁誠緣投。[有影喔？][對]
女：哇，真𠢕講，有影好話句句通，若有你就閣再講，紅包共你賞面風。[按呢喔] [對啦]
男：哇，粗桶共伊捾起起起，恁就賞我紅包錢，我予恁新娘入門喜，合婚予伊膨膨生。[喔] [對啦]
女：好好好，好話講到遮定當，紅包專專包四方，我有攢甲遮大緟，你就四句想較通。
男：按呢生。好啊！粗桶捾懸懸懸，生囝予你中狀元，好話我也幾十款，紅包恁就閣再攢。
女：ＯＯＯ。[哈哈哈哈哈哈]

（台灣風俗：摜子孫桶上 完）
*臺史博知音分享會聽打校訂