歌詞/全文

1.唱出只歌分恁聽　花街柳巷不通行　我講的話蓋有影　錢開了　就知驚
勸恁列位注意聽　着恰好人做陣行　不通學人去呆子　古意人第一好名聲。
2.講起𨑨迌喉就鄭　花宮查某那狐狸　有錢迷去煽大耳　錢拐了　就不值
有个害甲倒生理　有个業產敗離離　少年的人着注意　到許時反悔就恰遲。
3.論起𨑨迌只大志　花宮查某那妖精　裝恰一个眞縹緻　戇查埔　就相爭
陽精被伊採離離　家火開恰無半絲　傳染梅毒也淋病　遇着人頭売擧不起。
4.做人着愛有存後　花宮查某不通交　不通一時想不到　了戇錢　無尾屑
有錢譬論金絲猴　無錢笑講是脚屑　世間萬事着看透　行好路仰望會出頭。