歌詞/全文

九姆甲伊講煞著欲倒返　拄拄仔行出因(in)的廳門 陳水螺飯匙仔囥e(khōng-e)又擱走出來問：「恁這時間話講甲遐長」
彼个查某就用計來騙伊：「彼老个講出到歹子兒　欲甲咱借米　叫咱借伊」
「有影無 啊老仔敢遮呢赤{窮}　三頓着欲無當食 也那無厝踮便所徛　無米來車頭夯[ko]」
甪仔食飽真大派　果然有影狀元才 這拵擱越入去房間內　倒佇眠床睏　彼个舊契兄擱再來
彼个包飼兮拄仔擱來到　伊來坐佇眠床頭 喂！ 棉被一𩛩(kauh)遐大𩛩 內底看人置兮包　內面煞覕一隻猴
啊陳水螺棉被內：「嘿　啥人敢掀我棉被　你毋識我鐵道部陳水螺 汝敢興事未講我腳止嘴肉皮」
[伊講]「朋友啊 你不通尚激屎　根底大家相招知 我和你掀蓋袂外歹　也若有啥較實在」
[伊講]「你若毋驚尚蓋好　擱來揬(tu̍h)天公婆　揬死人命無底討 相拍汝爸是伸小刀」
[伊講]「你若小刀我扁鑽　大家比鬥(taù)長　做人我無外軟　時到時擔當」
[伊講]「欸　啊唷　像你底講遐呢硬(ngì)　這个查某毋著欲甲我相爭 人這个我包飼　也欲甲我膏膏纏」
[伊講]「我睏過十幾兮查某　我佮你相對塚仔埔 我著無咧死無路　甲你相爭臭尿壺？」
[伊講]「今仔日是去予查某漚　你敢彼兮猴咬猴　你若較捌(bat)著緊走　毋你著齧(khè)骨頭」
[伊講]「我欲甲你擋鬥久　你即个澎風龜　人識汝有我亦有　你敢穩贏我穩輸？」
[伊講]「我看你這个上好膽　拄a甲汝爸嚷到今 啊呀～ 見當時講擱再幾攤　擱加講著食攕擔(tshiam-tann){尖頭扁擔}」
[伊講]「我咧驚你搧耳屎　驚死我嘛毋敢來 你袂甲伊搧覓　看幹您娘咧肏膣屄」
[伊講]「唉唷～掠恁娘咧去倒頭駛啦　有人叫你敢來 啊你毋知講我遮第一歹　呀若有興趣大家來」
[伊講]「你寬仔(khuann-á)遮等癮(giàn)　你看我食老叩叩顛　我瘦个瘦有款哦 拳頭母猶較硬鐵丸哦　汝爸功夫學十多款哦　敢是欲甲我冤」
「你毋免大箍白啦　毋免頭一步畏犁 叫人著歹勢啦　看啥物人叫較濟啦」
[伊講]「我聽你這講遐好膽　也若欲無要緊　阮拳頭姆較大菜籃 大家若欲拍蹛這个所在　欲拍做你來　做你揭(gia̍h)刀我揭牌　著敢老爺揬死今仔埋 拄若無死　拄若無死　後日若搪著{遇到}我腳骨遮來 啊這馬甪查某　這馬煞落來甪朋友　啊你若講欲應酬 𤆬我千算江山樓通好食燒酒　食煞作伊溜 」
這个陳水螺是假名姓　專咧騙人的錢　這个查某是毋知死　啊拄搪(teng)去搪著伊
這馬舊夥計甪了擱再去甪新夥計　騙講欲攢金錢　騙人甪甲斷半絲 這个查某哭到嘴仔虛虛虛
這个專佇底咧做甪仙　用喙水佇咧諞　彼个查某擱使勢對伊講　緣投擱少年 根環三丑仔面　這馬兩這个相𤆬
這馬擱再甪夥計　啊甪到斷半絲 這馬擱騙講擱欲來去做代誌　這馬擱甪來去
心肝若行若拍算 大步行來娘厝門　拄著查某咧食飯　啊叫伊甘會食會遠
時間這馬猶真長　這站歌你才聽好才呵咾　以後才擱煞落去的確免驚無
這陣歌若銷去弦仔甲意　下擺若擱挃　淡薄歌詩才擱再會　亦較有趣味

*臺史博知音分享會解讀