歌詞/全文

尪姨：
[白]待我來請神啊！
[唱]請欲閣請！請欲閣東海岸，(我都)西海岸，南海普陀山，(我都)鶯歌紙塗瓶。獻錢來、(我都)燒紙來，獻錢來、燒紙來，無閣矣神啊來矣到啊矣…...
請欲閣請！我欲閣請湄洲啊大媽祖、竹塹大城隍、安溪祖師公、(我都)大𡳞（lān）公，嘐潲（hau-siâu）王、有辭（sî）有去，(我都)有請有無來。
請欲閣請！請欲閣田頭田尾田厝公，山頭欲閣嶺尾土地公，紅面大關帝，
烏面是周倉，廈門跋輸是散良王，半壁大隻蟾蜍公、水仔頭騎馬莿桐王、溪底石頭公、牽亡是無影，(我都)正神毋通聽。
牽亡算是𨑨迌代，(我都)正神毋通來。獻錢來、燒紙來，獻仔錢來、燒紙囉，無閣矣神啊來矣到啊矣......
祖師發毫光，(我都)本師發毫光，發起毫光炎炎光，發起毫光照身童。
手攑桃枝分世界，(我都)金叉拍開五嶽門，挵（lòng）開三條萬里路，拍開陰府七路途。
七路分做七路去，三路分開三路行，(我都)獻錢來、燒紙來，獻錢來燒紙囉買路矣到啊去矣......

*臺史博知音分享會解讀