(一) (愛愛/唱)
秋風吹 秋天時 腹內愁聲 時常悲 悲愁聲 混在秋風裡 亦有留戀味 窮倒舊城址 憶及早當時 宮主美 悲愁人 設使能得做幸運兒
[說明] (純純)
在安平殘廢的城址 有一个襤褸的青年 坐在城邊 默默塊想的中間 不覺煞睏落眠 來夢見着眼前變成美麗城 城中有一妖裘嬌豔的宮主出現 行偎近伊的身邊 在這美麗的城內 過了無上的快樂 由夢中醒來的時 看見伊猶原是在這殘廢的城邊 目賙展金四邊一吓看 城壁有一首的古詩 是來乎伊更加感嘆 同時腹內悲愁的聲又再起了
(二) (印不錄音)
好宮主 知我意 我心早早着有你 送我扇 安慰我心思 喜淚流落去 染著伊玉膝 不敢再看伊 將目 溫心兒 享受這款的甜蜜味
(三) (豔豔/唱)
秋風吹 秋天時 腹內愁聲 聲又起 醒悟來 猶原廢城邊 白玉的膝枕 却是石頭只 枕頭邊一枝 白綾扇 那後面 一首幽雅的抒情詩