歌詞/全文

1.
窗外所照的今暝的月眉 予阮感覺著悲嘆在心內、 江中的漁火也親像目屎 兩人愛情袂得通推排。
2.
萬一你若是嫁出予別人 你咱敢會得活在這世間、 我的所拍算單獨有一項 只好到天國放捒一世人。
3.
兩个愛情實在是神聖 神明也的確會共咱證明、 咱也是甘願一切來犧牲 無論到後世也毋分兩爿。
4.
一切希望已經也消無 失戀的末路像著樹葉落、 四面靜摺摺想著心就慒 波浪也吼出怨嘆的音波。