歌詞/全文

1.
南國个風啊吹來冷 雨啊霎霎落袂停、 草木青翠欸在山頂 哪無種咧阮个厝前。
2.
蝴蝶欸雙雙佮對對 弓蕉結子雙爿垂、 山崁的花欸遐爾媠 阮兜花園咧攏袂開。
3.
南國个溪水直直流 茉莉開透白泡泡、 雨啊落煞咧風啊透 好風無吹咧到阮兜。
4.
南國欸確是好所在 好花年年照時開、 山崁个花咧有人愛 阮兜个花咧無人知。
5.
月娘个愈圓是愈光 愛情本是較甜糖、 花蕊開在咧對面庄 阮兜个花咧直直黃。