歌詞/全文

1.
一步送哥落樓梯 双手心肝一直槌 望卜汝我成双對 在通兄妹折分開、
永無藤仔來纏樹 阿娘不知我因由 月尾母親卜祝壽 未成放娘無尾鰍。
2.
二步送哥落樓脚 脚酸手軟無愛踏 恨我八字生即巧 不知刀位塊曾差、
看娘行路脚手軟 心肝想着一直酸 甲娘先撤不直斷 恰慘攑刀刈心膓。
3.
三步送君門仔外 七顛八倒強卜拔 君汝返去放束我 煩煩惱惱我心肝、
娘仔汝着聽我勸 煩惱面肉下青黃 改勸我娘暫且返 分開多免一下方。
4.
四步送哥到只位 汝娘心肝未凍開 想着泪滓四念累 不知著時兮做追、
行到只位兄牽嫂 有情娘仔來送哥 別人多無咱即好 尋咱即好也敢無。
5.
五步送哥下街市 十分煩惱可傷悲 阿君返去貴鄉里 閣來未知待著時、
娘仔爾着聽我嘴 孤不利終即分開 漸且一人占一位 免閣幾工就做追。