歌詞/全文

[口白]
現時時機真正䆀 拍算免講恁嘛知 講遐臺灣的煙花界 無錢毋免想欲開
大家你若欲聽著靜靜 時勢潮流真文明 世界人物出不等 專出鱸鰻搝(khiú)北兵
彼日佇咧路下 北兵佇咧搝鱸鰻 搝甲二个手相幔
北兵：唉 夭壽 即久甘會毋捌看 無影騙我你去唐山
鱸鰻：人我有影去支那 從拜三就轉來到今 [因為]筊輸無錢驚你罵 [毋遮]所致無共娘你做衫
北兵：[唉呦]無愛大聲共汝嚷 欲去無來甲阮小可參詳 予阮目睭佇咧貓貓相(niāu-niāu-siông) 鐵拍心肝著無親像你遮雄
鱸鰻：人我實在有影去中國 若不信你問我的哭鳥木 （kháu tsia bó） 拄咧我頭尖較無福 無通致蔭著娘暢樂
北兵：加話毋免共我講 知影汝這咧第一𠢕膨風 不時乎汝塊刁古董 古意予你看做倯(sông)
鱸鰻：看汝一個面惡刺刺 幾日仔無來你著欲猴精 今日展甲一个面遮歹死 見面著欲激梢皮
北兵：是我這个袂慼變 今你這範底提無錢 放阮無柴佮無米 三頓腹肚弓蔑絲
鱸鰻：[唉呀]你查某嘴花誠𠢕反(píng) 講甲無米誠不明 盡趁个錢正汝用 為你樓仔賣三間
北兵：唉呦你這短命 講著下頦敢袂落 騙人偌濟底佮我包 米管（kńg）予我捀前擱捀後 規日米甕底弄鐃
鱸鰻：初一白米食一包 十五火炭量兩頭 你煞講柴米款無夠 敢是罟飯（koo-pn̄g）[甲我]設緣投
北兵：[唉呦] 你憨話也真敢拼 講我罟飯請契兄 看汝這範查埔子 無錢也敢想欲出來行
鱸鰻：[啊]本成台北是我第一好 一寡財產來為你無 一擺提著幾十草 你若無講[恁爸]心火較未着
北兵：[唉呦]看你真正袂見笑 [你擱諍] 你講逐句著嘐潲 你講外濟甲我了 汝開過兩萬做一條
鱸鰻：是我菜頭毋知總（tsàng 欲遐衰潲惹着汝角蜂 若無為汝這咖糞埽桶 一寡家伙了空空
北兵：欲知你這欵是若貨底 佮汝這範嘛欲衰 未想心肝[恁爸]無怨嗟 自來鹿角直透[甲我]拔
鱸鰻：人我毋是彼款蕗蕎面 無像別人底賣麥乳 酌婦藝旦我是𤆬規陣 毋是家己[佇底]展風神
北兵：免講啦 無通乎汝食宋盼 騙我一層過一層 想着心肝[恁爸]誠怨嘆 加講你著栽菅蘭
鱸鰻：那講那大聲 存範欲甲[恁爸]輸贏 [恁爸]出手着[啪一下]到無命 毋捌予人教汝毋驚
北兵：我娘存欲予汝拍 將我頭鬃直透甲我擸(bā) 恁爸用嘴落去咬 毋愿擱出手甲你搦𡳞脬（lān-pha）
眾人：鱸鰻北兵兩个底變面 眾人倚來做公親 一人一句毋通應 小可代誌你毋免激煞面 啊一人走一位啊 煞啊