歌詞/全文

1.
六月茉莉滿山香 單身娘仔守空房、 好花開透人來採 娘仔十八誰人知。
2.
六月茉莉香透天 單身娘仔看天星、 好花也著好花盆 娘仔何時見親君。
3.
六月茉莉透暝香 單身娘仔困空房、 好花若射會無芳 娘仔歸暝心忙忙。
4.
六月茉莉真正香 單身娘仔賢眠夢、 好花開了等下冬 娘仔親戚何時放。
5.
六月茉莉滿山香 挽花也著惜花欉、 親像蝴蝶無情義 採過一欉過一欉。
6.
一欉茉莉栽落土 目睭金金人在顧、 是你憨獃無變步 沒曉跳牆過來抱。
7.
六月茉莉分六路 一欉較美搬落壼、 日時卜挽人在顧 暝時卜挽人放鈷。