大家朋友啊，嘿嘿，來聽我一个矸仔了然吐練涎，講到筊一支大家就愛細膩。彼當時我當佇咧跋跋起來就誠快活。嘿嘿，錢一个有出門誠揚氣，通人就叫我矸先生，近來錢一下無，身軀𤺪𤺪𤺪大家煞叫我矸仔了然。予我一下想，著啊，有影了然，嘿嘿。啊不時無半仙出門毋敢佮人展，有影有影。彼當時田園厝宅遐誠濟，予我一个狼狽計價共伊賣，賣好人嘛袂講話。真歹過日不時袂當得。嘿嘿，阮大姐仔嫁翁，抑人阮姐夫仔不只有空。啊欲好就來去共伊借錢膏膏纏hah，看有影無，嘿嘿。

來去共伊半癲半肖提淡薄仔來跋筊。兄弟代敢有啥物大不了，按呢著著著著。徛佇咧媽祖宮邊，嘿嘿，我來去共伊鬧，哇，阮大姐仔閣坐佇交椅佇咧揬喙齒。

也毋知啥代誌坐佇遐咧氣氣氣，有影咧嘿，𪜶爸就來共叫，兄弟代敢有啥物驚人笑。哇嘿嘿，大姐啊，我咧驚妳啥貨。

哎唷，你這夭壽仔魍、著死囡仔災，敢有生做啥物人才無，遐見笑你也敢閣來？哎唷，總無按呢生襤襤褸褸入門閣臭賤氣恁爸鼻著煞會畏喔。

啊我聽你佇咧放屁，猶臭一个啥物氣。啊我就刁工激激彼个有心適，衫褲激若有空，hah，熱天才會輕鬆，有這號消毒味，胡蠅蠓仔攏攏嘛毋敢鼻。

你免佇咧加講到好理好數，恁爸鼻著到會吐。你免佇咧加哭爸，來去邊仔咧坐。

哼。

恁爸無愛共你撥會，今我問你咧，咱的錢銀厝宅你是收起來囥抑是按怎樣仔拍算咧？

啊好啊，我早早就提去寄這个輾仔寶，也使你咧煩惱，全部嘛清清楚楚。

哎唷，你這著死囡仔災，哪有一个啥物輾仔寶甲遐好，啊欲予你下你毋驚人煞袂共你賣。

免驚免驚免驚，嘿嘿，人伊喔啊真忠厚。咱遐去閣無幾步，對東西南北閣遐一直搦 (nuò)，講花花花一點一點免驚講有外危險，有錢去閣咧真古意啦。

哎唷，你這个夭壽憨，敢是去予鬼共你拍著狂？無定著是跋輸筊硩撚寶你毋講，按呢乎共恁爸講甲歸大捅，哎唷僥倖喔，你哪會按呢生厝也煞賣？啊咱彼廳公婆毋煞無底通下？

啊無要緊。我會整甲好勢仔好勢抑使予你致意，人我早早就攢去寄佇咧有應仔𪜶兜，不時乎嘛拜甲腥不仔臊，這馬才去佇大眾廟角歸間新漆漆(sin-tsha̍k-tsha̍k)。咱的較濟，擺兩邊不時人佇咧拜食無停，我無免拜誠清閒啦！

哎唷你這著死囡仔災，毋驚去落下頦講今仔日也敢閣來啦。哎唷大眾廟角遐的錢全全共我跋擲捒，恁爸共你摃頭殼予你去死啦！

哎唷，咿嘻嘻嘻嘻。