歌詞/全文

1.(女)
一更更鼓月照山，牽君的手摸心肝   你咱有緣來作伴，毋通放阮守孤單。
2.(男)
有緣千里來相會，我比蝴蝶妹比花   良宵千金難得買，做人青春有幾回。
3.(女)
二更更鼓月照庭，牽君的手入繡廳   雙人相好天註定，別人言語毋通聽。
4.(男)
別人的話我毋信，全心欲佮阿娘親   一日無看妳的面，宛然病後失精神。
5.(女)
三更更鼓月照門，牽君的手入繡床   雙人相好有所映，較好小種透冰糖。
6.(男)
愛情比糖有較甜，可比鴛鴦在水池   你也有情我有意，青春少年正當時。
7.(女)
四更更鼓月照窗，第一相好咱倆人   佮君相好有希望，你若良心無呣通。
8.(男)
阿娘放心免煩惱，我來反僥絕對無   你有真情甲我好，免驚前途起風波。
9.(女)
五更更鼓天欲光，送君欲返開房門    想着離開跤手軟，手按門串心頭酸。
10.(男)
請娘安心免悲哀，暫時忍耐分東西   你咱愛情猶原在，你有愛我我也知。

(感謝劉南芳教授協助歌詞聽打校訂)