歌詞/全文

(一) (合唱)
阿娘九個 阿哥一個 頭殼攏戴笠 身軀背筒 頭仔犁犁 哎呦！上山要來去摘茶！
(二) (男)
草仔青青 茶葉青青 阿娘衫也青 伸手摘茶 茶葉綿綿 哎呦！阿娘的手較綿綿！
(三) (女)
山路無平 草叢無平 天地也無平 假意假啼 雨仔若滴 哎呦！目屎敢會肆淋垂！
(四) (男)
日紅吱吱 汗流雜滴 過勞會無醫 歡歡喜喜 唸歌解悶 哎呦！想褒也那來趁錢！
(五) (合)
茶也開花 戀也開花 春天情花多 摘茶花鼓 叮叮噹噹 哎呦！滿山專是有心花！