改烏煙
演唱
月娥
關鍵詞
內容描述
勸改鴉片的戲劇笑劇，男女對答，原先男角愛賭博、女角愛吸食鴉片，兩人相互跟對方借錢接著開始互動，女勸男要戒賭，男勸女要改鴉片。後來兩人決定戒賭改煙，有勸戒人生的意思。
唱片的另一面是〈禁拔絞〉—戒賭，曲名不同但有連續的關係。從內容及聲音中推測男聲為蚶目，蚶目是張永傑的化名，言談中有點濃厚的福州腔。推測女聲為月娥，月娥也就是愛愛的化名。
語言
臺語
發行編號
T368(利家-黑)
出版者
日蓄(古倫美亞)
資料提供
日本國立民族學博物館
全文
阿片拄：唉唷…，半貴短命咧，你根本免相笑！ 魁仙招：按怎免相笑？ 阿片拄：唉唷…，跋筊、阿片根本都是平平歹喔！唉唷…，你無艱苦過頭，根本是毋知 喔！好！我今決心阿片欲來改，看咱欲行東抑往西啊？ 魁仙招：按呢？ 阿片拄：著！ 魁仙招：我招仔勸你阿片拄liah！Hiong--e食薰是損害咱身軀，出門又閣予人供體 「殘chhuh！殘chhuh！」食著薰屎親像豬母咧哺碳灰咧。 阿片拄：唉唷…，我咧勸你魁仙招喔！舊的阿片今毋燒喔，規尾即袂予人笑！你筊若 毋愛跋，總較著咧！ 魁仙招：抑我咧勸你，你勸我！Hiong--e從今以後，我筊閣毋跋liah。認真事業欲來 做較大，我來致蔭拄仔你快活！ 阿片拄：按呢？ 魁仙招：著！ 阿片拄：你若筊邊攏毋，我薰盤、薰吹欲來除！唉唷，想kah私辭我te-li啊，自從歸籬 食蕃薯喔。 魁仙招：毋即講按呢生仔佇咧講，人都志氣即有好尾liah！Hiong--e我來改筊，你來 除薰吹？ 阿片拄：著啦！ 魁仙招：魚魚肉肉共我買來配，三頓即共我悶飯，咱來呔煮糜liah。 阿片拄：唉唷…，你若無為著筊手爪賤，做人拍算你遐偏？親像今仔日無半sian，若枵 咧三擺啊，你都閣癮癮喔？ 魁仙招：抑毋即講我都來改筊，四時予人腹肚是規日枵。Hiong--e一寡衫褲當了了， 孤孤賰此領破鞋潲liah！ 阿片拄：唉唷…，講kah我的當物件，當店是比你較捷行，你知毋？ 魁仙招：哼？ 阿片拄：一擺啊，若當著，是當咧規千領喔！公癬彼?頭家是予我當kah驚喔！ 魁仙招：正實有影？ 阿片拄：有，猶有一?無影的？ 魁仙招：Hiong--e衫褲你攏當遐濟，實在比運我有較衰liah！ 阿片拄：按怎衰？ 魁仙招：你是真當，我真欲！今孤孤賰此雙破皮鞋。 阿片拄：唉唷…，正實的喔？徛起來看起都相親像，講kah較早，哼！阮衫褲是幾十箱 喔！當kah了了即捌想，你看咧，身軀當票是幾百張喔。 魁仙招：Hiong--e正實有影liah，遮的當票若欲換準是銀票，阿片的？ 阿片拄：喂？ 魁仙招：你都按呢生仔倘快活燒。 阿片拄：唉唷…，你都來改，即袂予人笑。照呼照行，講較著。拄仔自今仔日起啊， 阿片攏毋燒！ 魁仙招：有影你也欲改阿片矣毋liah？ 阿片拄：著咧！省咧予人笑啦！
