問卜（上）
演唱
汪思明
關鍵詞
內容描述
鶴標唱片為1929年佐藤喜久間在臺北市創立。問卜（上）有前奏，以唸歌形式唱一段招呼客人來算命問卜的歌詞；後有一來一往的主客問卜對話互動。
語言
臺語
全文
1. [籤e7~]籤聖卦定 卜卦是來算命 要命tsheh斷命格 好歹事[是咧]知pheh-pheh
2. 後生來卜老爸 小嬸來卜大伯 怹(in)新婦來卜怹大家
3. 外甥卜母舅 [是]舅仔卜姊夫 大官卜新婦 [閣]來卜逐項有
4. 老大人~來卜食百二 少年來卜大趁錢 囡仔來卜好育飼
5. 查某人來卜求花喜pin-pong-piang7 無定掛雙生 做生理人來卜大趁錢
6. 作田人[哦]來卜大收成 [呀若]甲長來卜會升保正 趁食查某來卜 人客不時開歸間
7. 見來成 有的[緊]欲卜做親情(tsiânn) 媒人婆攏免行 來卜代先行 先送訂
8. 耶~有時有翁(ang)的查某人 嫁翁若未合和 來卜會合和
9. 因翁暗時啊直直娶伊去鈴瑯遨 四界(kuei3)通𨑨迌
10. 呼~[這馬(tsit-má)若是]有的因翁若愛開 來卜我著知
11. <女>:唉呦 [夭壽喔] 一个(ê)先生遐利害 講翁若愛開[夭壽喔]卜伊著知
12. [因爸]共卜看覓 阮漏屎症真愛開 來卜看先生知毋知
13. <卜>:這查某毋遮大箍(khoo)呆 按呢講我卜卦著代先知 哪會毋知
14. <女>:先生啊 來喔 <卜>:來 我著來 叫啥代 查某官
15. <女>:我來共你抽一支籤仔 看你知毋知 阮的漏屎症真愛開
16. <卜>:你蹛(tuà)啥物所在 你佮恁翁現時有仝家內抑無仝家內 喔卜你的干杞(ki2)呦
17. 你是食啥物人的水米 是佇叨位徛起 啊是姓啥物 你共我講起 我著共你斷卦米
18. 恁是佇佗位(tó-uī)齊徛起 恁翁這拵佇佗一塊 你今年有幾歲
19. <女>:先生啊 阮蹛番仔溝葫蘆堵 阮遐怹阿爸姓陳我姓許 阮翁二十六我二十五
20. 伊屬龍我屬虎 我按呢結做翁仔某 [夭壽喔] 阮彼漏屎症娶我過無三暗 著去開查某
