跳到主要內容區塊
台灣音聲一百年
:::
首頁 > 音聲資料室 > 臺灣震災慘談(下)
字級

臺灣震災慘談(下)

臺灣震災慘談(下)

年代

1935

演唱

陳玉安

作詞

陳玉安

伴奏

日本ビクター臺灣音樂團

出版者/單位

勝利

唱片編號

FJ-1015

關鍵詞

#講談 #唸白 #唸歌 #新竹臺中大地震 #關刀山地震

內容描述

唸白
01  看戲也有草地人  欲轉路遠歸半工,
    親情朋友留伊過暗  性命綴伊做墓空。
02  清水街仔倒誠慘  一个中年婦女人,
    欲死拄著這地動  予厝硩咧五六天。
03  一个公共便所巷  身屍掘著十三人,
    有的透早欲去放  有的放好褲未攏,
04  也有賣菜的出外人  頭一小動毋知驚,
    大動歸間楞車車  愈走才愈驚,
05  欲叫煞袂出聲  煞予摃著尻脊骿。
    唉唷一个閣再動  有的塊睏若眠夢,
06  有的欲走鑽無縫  有的覕踮屎桶巷,
    有的摃甲袂振動  有的企著煞愣愣,
07  無人通甲鬥相共。
    唉唷又閣來囉  有的摃甲無下頦,
08  一个走通街喝喝哮  也有車□□輾斗。
    僥倖喔!有頭鬃朗朗朗  覆咧煞烏暗藏,
09  閣一个人疊人  親像敢塊關童,
    爬起坐正正  磕頭倒摔向,
10  摃著尻脊骿煞毋知痛  唉呦慘囉!

(唱江湖調)
11  也有嫁尪佮娶某  厝倒火燒變平埔
    新娘娶來到半路  想著淒慘面著烏
12  彼款地動走無路  人是親像輾柴箍
    老爸尋囝翁尋某  老母哭囝心肝奴
13  有的塊食嘴若哺  也有煮飯水底撈
    有的洗面提面布  僥倖洗甲碎糊糊
14  想著心肝奴噫  噫~~哎唷喂

15  為著這款大僥倖  天地變遷滾地龍,
    厝的土粉蓬蓬銃  死屍物件硩歸間,
16  青年團體有義理  錢開免費帶公醫,
    無當蹛順煞鬥起  為著這款非常期。
17  通霄苑裡到後龍  罩蘭苗栗倒空空,
    頭份南庄也誠重  山內透甲鯉魚潭,
18  講甲到遮該歇站  大家參考無惜工,
    咱著替人來苦慘  毋通家己塊做人。
19  天是會光佮會暗  花是會謝佮會香,
    人在世間若眠夢  總講惡毒先毋通,
20  大局我亦講袂了  毋是幾銀做嘐潲,
    大家若是有必要  且等如何揣狗標。

(陳龍廷、黃裕元 聽打/黃裕元 改寫)

備註:
1.全文由陳龍廷教授協助聽打,內容參考王順隆老師整理的「閩南語俗曲唱本『歌仔冊』全文資料庫」,特此申謝。
2.用字及註明標音以教育部編纂「臺灣閩南語常用詞辭典」為準,部分用字參用「台文華文線上辭典」。
3.標註*號行「也有車身翻輾斗」為2018年1月24日知音分享會解讀成果,特此感謝所有參與討論的夥伴。

來源

台灣留聲機協會

專案

2016成大多元文化中心合作徵集案

相關照片

前往 首頁 前往 頁首