正月十五燈謎(一)
演唱
艋舺解頤俱樂部
關鍵詞
內容描述
劇情唱片，以艋舺龍山寺猜燈謎為場景，主持人出題由多人對應，眾人喧鬧卻又能解析謎猜內容要義，呈現臺灣漢人元宵節盛行的廟宇聲景。
語言
臺語
發行編號
T117(利家-黑)
出版者
日蓄(古倫美亞)
資料提供
日本國立民族學博物館
全文
宣傳人：（介）E…，眾逐家！今仔日啊，是八月十五，中秋的日子。咱臺北艋舺龍山 寺，燈謎文社都欲創設燈猜。請恁遮的列位的先生諸君，逐家知！以及咱遮的社會界 啊，下昏你都拴拴咧，較早來啊（介）！下昏欲做燈猜的題目liah，是欲做出俗語佮成 語，也有國語佮地號名，猶有古人名、病名，佮藥名。猶有魚名的三字經，四書報恁 逐家聽喔（介）！抑欲創設獎品的物件，若猜著的，也有蘇白扇70，手巾，雪文，佮 面巾，也有紅盒的朝日，佮敷島薰71；普通的若猜著，也有紙、鉛筆十支；較??猜 的，也賞帽仔佮衛生衣喔（介）。抑欲設福引72，這毋是料品，猶有冰沙盒的合肉 餅，也有烏豆沙、火腿、伍仁，狀元餅，通知恁遮的列位社會齊知影（介）！恁若較 有腹內的較能通啊，猜著拍三下鼓，欲通通通，贊成予伊威風！若有憨慢的，徛咧想 規暝，猜無著是欲sut古錢73啊（介）！恁毋倘踮咧膏膏纏，這是下昏暗七點欲做起， 欲猜到十二點為止！通知恁遮的社會齊知，下昏都是燈謎文社得欲做燈猜啊（介）！ He是得欲考內才啊，下昏暗恁遮的先生佮諸君，列位都較早來啊（介）！ 王先生：哇…，下昏暗踮龍山寺內，燈謎文社得欲做燈猜喔？林先生啊？ 林先生：啥貨？ 王先生：較早食暗喔，咱來去共猜喔！ 添成：人我嘛有想欲去，你知毋？我都有佇咧想，拄仔聽見拍鑼鼓。欲去你都來招我 毋，林先生啊？ 林先生：好啊！逐家即來去，王先生啊！添成兄，逐家做陣來去喔！ 王先生：好喔！行喔！
