陳水螺
作詞
汪思明
編劇
汪思明
關鍵詞
內容描述
汪思明演出。日蓄公司出品。
語言
臺語
出版者
日蓄
全文
〈陳水螺〉全文解讀稿 汪思明 編作 黃裕元、楊笠琳 聽打/黃裕元 改寫/臺史博館員志工 解讀 01. 一个甪仔(lut-á){騙子}佇咧(tī-leh)甪查某 甪去伊夥計(hué-kì){情婦、姘頭}三千箍(khoō){元，錢的單位} 02. 假作大富戶 乎你這哭歸晡 哭到目屎遮大箍 走去揣歸下晡 找到面欲烏 03. 這个甪仔三千箍甪過手 走甲越頭無尾溜 着欲跋輾寶(pua̍h-len-pó){賭博壓寶的一種}簽壽祐 {？} 摃目賊仔{賭博的一種，用天九牌，又稱摃章}隨現收 04. 目賊一輸蹛筊間{賭場}幹甲喋(thi̍h) [筊官啊] 這是查某人的私奇錢 [也去]食著會着病 毋驚會病三年 05. 囡仔臭頭痞 大人會現死 汝爸正歡喜 講你甲流汗死食欲死 06. 肖歌聽擱噪甲矯 駛汝母你咧無臭潲 銀票輸了了 鼻仔摸咧緊籠寮(lang-liau){走開；逃開} 加講着食藤條 07. 筊輸欲走倒轉 大步行去筊間門 甲伊夥計行相搪 一箍面仔哼哼哼 08. 夥計看着甲叫：「啊漏屎症啊 你食甲雙手搖」 09. 這咧查甫著才假笑：「三八兮 你敢揣我會當着」 10. 伊講：「夭壽喔 唉唷 出門你都無li-hue 害我揣得滿歸街踅 準講我也很會揣 四界人喚陳水螺 夭壽一寡查埔透肚短命 騙仔著四界行 甲恁爸講陳水螺佇咧會社 去看着無影」 11. 么壽 彼兮陳水螺聽一个去着應伊：「朋友招我有代誌 才袂記叫人去通知」 12. 伊講：「你去叼位仔創啥代 無講我毋知 予我憨憨咧等待 等待你攏袂當來」 13. 伊講：「朋友招我有代誌 欲去臺中糴白米 欲去內地赴船期 所以才咧延遲」 14. 「臺中是佇tī當時轉來到 啊彼兮米擱糴幾包 即存拄好過晝後 相招今緊來咱兜」 15. 伊講：「臺中兮米都袂歹 我拄這糴四十台 運送入火車內 暗車夜行敢會來」 16. 伊講：「運送汝寫啥字號 打算袂共咱打失落 汝有點交伊清楚 伊敢來共咱打無」 17. 伊講：「無要緊 運送日本人マルマ 號頭二千過控三 苦力偷夯無人敢 從昨彼暝落到今」 18. 兩个攏總相𤆬轉來到 入來坐帶蹛鼓椅頭 拄好攢(tshuân)飯欲食下晝 隔壁九姆來因(in)兜{他家} 19. 彼个九嬸婆來到位 陳水螺着驚緊走開 甲人假參假肉桂 驚人揬(tu̍h)破伊雞胿 20. 九嬸看見問查某：「汝家己去識這箍 伊咧做啥頭路 甲恁爸開大粗」 21. 這查某講：「阮即兮真成重 現時塊開米行 伊是姓陳水螺桑 因厝一箍大煙筒」 22. 伊講：「齁 我識伊 即兮帶煙筒尾 大家叫伊陳水螺 若有代誌欲相揣 即去煙筒玲瓏踅」 23. 伊講：「九姆汝甲伊即熟悉 因厝蹛遐汝敢知 無汝共阮探聽覓 阮遮伊煞罕得來」 24. 伊講：「彼兮講話有影跡 伊老父號作機關車 老母就是大火鼎 土炭配水才有食」 25. 伊講：「九姆講話蓋奇巧 食老講話倒精差 土炭配水煞食會飽 怎麼叫機關車阿爸？」 26. 伊講：「汝即查某頂港汝流到下港 啥人大厝蹛煙筒 天光工場欲振動 陳水螺是欲叫工 你兮憨喔 這敢是人」 27. 「唉呦漏屎症 毋着假名姓來騙阮所愛的錢 講欲臺中糴白米 緊喔來叫探偵桑來掠伊{請偵探來抓他}」 28. 伊講：「欲叫探偵桑着慢且是 着分三腳去張持 無若知影予伊走離 夭壽喔 汝着無塊通掠伊」 29. 「唉呦講甲漏屎症 現金共汝爸甪三千 五百人寄即僥倖 毋知當時才欲還」 30. 九姆講：「伊是佮汝蹛幾暗 共汝借錢汝那甘 汝即查某攬神假空侃 若無還汝著去跳潭」 31. 伊講：「啊知？ 着相識無外久 講欲乎阮做丈夫 講欲買田佮買厝 害我暢甲欲曲痀{開心得要駝背}」
