狂財夢（四）
演唱
加走、蚶目、阿玉、月娥
關鍵詞
內容描述
男女對答互相鬥嘴。有中西樂器合奏的樂曲，中間也穿插了唸歌及歌仔戲曲調。
因為丈夫說發大財、打算娶了小老婆，夫妻倆大打出手，岳父聽了也開始想變有錢人的生活，都做起了發財夢，也跟岳母打了起來。年輕年老兩對夫妻都打了架，丈夫回來說，他發財是夢見的....原來都只是發財的白日夢。
語言
臺語
發行編號
T321(利家-黑)
出版者
日蓄(古倫美亞)
資料提供
日本國立民族學博物館
全文
阿媽：哼？講按呢生啦？唉唷…，老短命，你誠袂曉衰喔？死鴨仔閣咧硬嘴杯喔？恁 父若想佮你此?老短命遐呢誠無天良，心肝閣遐呢雄，淡薄仔金器共恁父當當去，都 無才調倘好討。猶閣不時想欲跋撚寶啊？ 阿公：幹恁母你！閣講彼號痟話？He是講老囉啦！ 阿媽：哼？甲偌老啊？ 阿公：咧無人愛，你知毋知？抑若無，恁父共你此隻老貓，送送來去賣。賣賣咧來去 跋，跋一睏仔快活快活。抑你閣佮恁父大細聲？恁父敢都咧驚咧？ 阿媽：唉唷…，老早死啊，你遮傷無理。好，今仔日欲予你賣。大孔恁父若捻較開 啦，即看你會狼狽，抑袂狼狽？有影喔，若無想著都無慼喔，若想著甲我的代誌，實 在是誠袂堪的氣。好，予你死啊！ 阿公：啊…？啊…？啊…？唉唷…，指頭共恁父咬落？好囉，恁父按頭鬃共你p?！ 阿媽：唉唷…，唉唷喂啊？ 男：啊…，今伯仔、姆仔，恁今仔日是咧鬧熱怎樣仔咧？ 阿公：哼！ 阿媽：Ho?…，都是囝婿你來喔？ 男：是啦！ 阿媽：抑今講也毋畏啦！頭先我佮伯仔佇咧poh注，人講啥物你趁著錢囉，有想欲娶 細姨，抑今恁伯仔都無頭路，抑想甲是誠無變步喔！抑我有想講欲共你偷拈五千啦， 通來予恁伯仔開土礱間。抑加寡的利息，我都來佮你清！抑咱算都家己的人，嘛毋免 叫人保，冬尾我自然都佮你清清楚楚啦！ 男：Ho?！是按呢生的喔？ 阿媽：著啦！ 男：啊…，實在是無啦！抑若欲有，丈人囝婿哪有差甲叨位仔咧？ 阿媽：抑毋都看你趁著幾十萬，有想欲娶細姨？抑你也使咧佮我the無錢咧？ 男：哇…，he今差濟囉！我昨暗是夢見的，你知毋？ 阿公：Ha?？是夢見的啊？ 男：夢見的啦！ 阿媽：唉唷…，我苦囉！ 阿公：愛共我五六化。 阿媽：（唱）今著死，相爭著錢花，你有錢。 阿公：一丈差九尺啊！ 阿媽：（唱）老短命，你半路死！ 阿公：老賤婢！ 阿媽：老短命！（唱）嘴頰共我搧甲紅吱吱。 阿公：頭拄仔阮即拍一攤去咧！（唱）都是你下昏時來傷濟夢。 阿媽：（唱）即會拍甲茹chhang-chhang！
