臺灣音聲一百年網站

全文

此片就是迷信的笑話。為啥物會叫做迷信？信著？信毋著？行毋著的路，著是迷信。若是得欲來去剪頭鬃，怎麼走去彼?齒科醫院？雖是彼?剃頭店有彼?交椅，齒科醫院也是有彼?交椅，毋過用法閣攏無相仝呢。求神，求毋著，彼款--的也是愛分別。若是求彼?關帝爺講：「我手骨一孔，我欲求你一寡爐丹來去醫治。」關帝爺在生手骨，受著彼?毒箭的穿傷，伊也是愛得去倩彼?華陀來共醫治。都毋是醫生，怎樣會替人醫治？尊敬關公，咱是尊敬伊忠義。伊自彼?桃園三結義，不求同生，只求同死。準是現代交陪朋友，也是愛學彼?忠義來進行。尊敬彼?關公，都是做模範來予咱看樣。若欲求神，嘛是愛家己有道德，即有彼?效力。若是無彼?道德，任你怎樣求嘛是無效啦！土匪囉、強盜囉、賊仔欲共你求城隍爺，伊彼款的是反去投到 的。就是現時的煙花界的查某，著欲來求關帝爺：「若會當通予我出頭天，「天」字捅頭乃是一字「夫」字。予我有一?翁，通生兩、三?囡仔，有一項好的物件倘來貢獻此?社會。」若親像此款，是有保庇。若求關帝爺，關帝爺是仁慈、仁愛的神，在彼?華陽道，彼當時伊無想講伊佮諸葛亮立的軍令狀，無惜著家己的性命，曹操對伊討情，伊也是放伊去。煙花界的查某，精神若是活的毋是死。若精神扞得好，求神自然都會得進步。煙花界的查某一款愛錢，毋著。伊對著關帝爺、媽祖婆：「唉唷，你都按呢保庇我下昏暗人客較濟，若予我大趁錢，我豬頭、五牲特別答謝你！金較大幅直直燒。」媽祖婆聽了，非常的受氣：「我是清潔的正神。你來求，叫我共你做老班嫂 ？哼啊…，你可惡至極！」趕緊叫彼?順風耳：「將此款罪惡萬端的婦人人，共我掠過十八地獄。」你就來求關帝爺。關帝爺一時大怒，目眉使坦豎，青龍大刀?咧：「呸！可惡至極！我是武聖，你叫我共你牽頭 ？周倉，你將青龍大刀?咧共我搧一下走十三天外！」你就來想彼?搬戲，對宮廟、戲界乃是模範，是欲做予枰腳的人看樣。愛搬彼號忠孝廉潔，有的搬彼號丑仔囉，夯牆仔囉，對阿旦腳縫都共拄一下！抑你共想看覓咧，現代的人、正道的人看著此款，伊都非常的受氣，何況講一?武聖？關帝爺看著，對目睭掩咧：「咿…，此款的毋好，敗壞地方的風俗！」按呢都毋是尊敬神明的搬戲！若親像此款的歹戲，都走去大墓公去搬較有合。