鬧洞房 四
演唱
解頤俱樂部
關鍵詞
內容描述
北管音樂常用於婚喪喜慶中，用熱鬧的音樂表達祝福與歡樂之感。
語言
臺語
發行編號
80125(古倫美亞)
資料提供
日本國立民族學博物館
全文
其他：新娘！ 賓客1：都毋是布袋戲，閣搬kah弄撞錚（l?ng-t?ng-chh??）？ 其他：哈哈！ 賓客2：新娘啊！唉唷…，新娘閣有媳德，閣兼好眼色，果然有好水，閣實在真 有…。 其他：哈哈… 新娘：真有德！ 賓客3：新娘真正會（h?e），冬瓜捧遮濟（ch?e），人人呵咾你賢慧！ 其他：有影！有影！著！著！ 賓客4：新娘閣夾黍米（soe-bi），挨了閣換新米，昨暝共恁尪恭喜。 其他：哈哈… 新娘：食茶喔！逐家食茶喔！ 賓客5：予我！予我！甜茶真正甜，逐家毋*愛相爭（sa?-chi?）啦！啥人若是代先捧，是新娘大後生喔！ 賓客6：換我！換我！換我！甜茶是甜毋是汫，無都對我代先請ko！拄即佇咧講彼?，是欲予新娘做囝？ 其他：哈哈…，著！著！著！閣此杯較大杯！此杯！此杯！ 賓客6：新娘茶捧到，慶賀放大炮。 其他：毋倘放！ 賓客6：通人呵咾你，實在真有孝（iu-hau）！ 賓客7：換我！換我！茶盤四角曲（khiau），中央下茶鐘（te-cheng），新郎親像楊宗保，新娘較?穆桂英35。 賓客8：捧起一杯新娘茶，予恁三年生兩?。一手頂抱，閣一塗腳爬。 其他：哇…，足好命！ 賓客8：年尾上仔36（chi??-a），兩個囝（ka?）！ 其他：哈哈… 新娘：唉唷…，無啦！收茶甌啦！收茶甌啦！ 賓客9：新娘嘴，你毋免氣，阮逐家都無歹意，你看新娘遐呢仔氣，愈氣都愈怯勢（khiap-si）！ 新娘：唉唷…，恁哪會遐責掘38（chek-ku?t）？聽著誠鬱卒，房間口共恁掛（kui）一領褲，予恁會入袂得出！ 其他：哈哈！ 賓客10：好笑！好笑！予我！予我！新娘嘴，你哪遮責惡（chek-o?），請你無詈（le）佮無怖（po?），你若毋收起，拆拆予你做破布。 新娘：唉唷？緊換人！緊換人！ 賓客11：我接後！我接後！來！大正換昭和，夢見閣著一桃，予你去買鹹酸甜啦，分恁尪仔食???！ 其他：著！著！著！ 賓客12：姻緣好似緣前定，只因無端好積重（teng），追求於禮強圖決，要祝于君結世重（si-teng）。 其他：誠好！誠好！ 賓客13：今著到我矣！著到我紲落去毋！新娘啊，新娘你激蓋蓋（khamkham）的，我足久攏無趁呢！褲頭即兩?錢，予你新娘??大漢。 賓客14：此馬換我！換我！哇…，袋仔闊闊，錢票袂記的帶，銀角分淡薄仔是新娘的造化。 賓客15：著我矣！著我矣！一杯甜茶?焦焦，今都相招倘回家，新娘若有佇艋舺，定規（t?ng-kui）都來去山腳。
