臺灣音聲一百年網站

全文

E…，我的人名叫做「予人笑」，恁列位若看我的面自然都愛笑，算是真心適的面都著啦！毋過在曲盤，未得倘佮恁列位相 見，此馬想欲創淡薄彼號鳥獸的聲予恁聽按呢。總是人的嘴口咧變耳耳，攏無用傢俬頭按呢，毋知會得佮實物相仝，抑未按 呢？若總是有倘佮實物相仝，即向望恁列位來讚成按呢。 代先欲創淡薄仔彼號雞咧啼的聲予恁聽。 雞公佮雞母咧啼的聲。 此馬he雞母生卵，咧著驚咧哮的聲予恁聽。 此馬閣紲落去烏鴉咧哮的聲。烏鴉徛水牛頂佇咧哮。 烏鴉哮煞。此馬徛佇樹尾頂咧哮彼號白頭khok48，白頭khok咧哮的聲予恁聽。 白頭khok哮煞，此馬彼號鴨咧哮的聲。 鴨哮煞，此馬欲創彼號火雞，火雞咧哮的聲。 火雞哮煞，此馬咱每日咧食彼號水蛙的聲。水蛙公佮水蛙母咧哮，激不相同。 此馬水蛙公佮水蛙母兩?咧冤家的聲。 此馬的時陣的爾爾，彼號白鶴咧哮的聲。 白鶴公佮白鶴母，咧叫有分。