迷信趣語(二)
![迷信趣語(二)](/Images/Default/Default_312ff036-c27e-4edf-b482-f336244057ac.png)
演唱
王滿良
關鍵詞
內容描述
「此片就是迷信的笑話」,講述者在開宗名義告訴我們。但比起「笑話」,〈迷信趣語〉更像是在勸世。
第二面從土地公的信仰開始說起,取笑「對我生財」等符令的效果等等,告訴聽者拜神應該要為了大家的平安,不應該只是求自私,應該了解信仰、敬神、以及為別人求幸福。
語言
臺語
發行編號
T145(利家-黑)
出版者
日蓄(古倫美亞)
資料提供
日本國立民族學博物館
全文
敬神,也愛知影神的來歷,才有效力。農家的人,所有田頭田尾石頭鼓ch?i一粒,就是講此?就是土地公。每若初一、十五,都用金紙,豬頭、五牲來去敬奉伊。因為此?張土地在生的時代,看著農家咧耕種,全袂曉倘分播,出收 是非常的少。後來指導農家的人去分播 ,米粟一倍出十倍,農家的人感著伊的恩德,每到初一、十五就去參拜。世間的人啥物是土地婆去放尿囉?你共想,世界上的田塗遐呢闊,土地婆的尿欲呔有遐濟?猶有一款種種的想法,來佇咧賺人的錢。啥物人若無趁錢囉,是咱此間厝宅的方向毋好。廳門看著彼?銅線批柱 ,都去倩彼號術士共咱寫一張彼號牌仔,開去十外箍,寫一下號做「對吾生財」。照文字來解說啦,「對吾生財」就是對我的生錢。此款敢實在有彼號效力?世間若甲有遮呢便宜的好事,咱袂曉坐咧厝內的,汰(tai)會出門去做商業,也毋免去勞動?按呢有倘食啦!我想毋免做,三日腹肚若枵,看破緊行較著,寧可緊來去趁。拜神,嘛愛求一下拜公共的幸福,毋是咱自己的幸福。 若拜別人死了了,我家己一?平安,的確是無效!抑拜別人平安,咱家己咱會幸福!全世界的人若齊平安,農家的人身體健康。怹翁對怹某講:「你身體遮健康,緊去紡粟仔!」怹某講:「我來去!」怹某對怹翁講:「抑你毋緊去做田?」、「我來去!」米粟出收,翁仔某食袂了,所賰的來去賣錢,來都市的買物件。食薪勞人坐咧門腳口:「喔啊…,今仔日生理誠好,茶箍 攏買了了!」 頭家對薪勞講:「薪金一月日三十,我先六十予你!」伊歡喜,六十箍提咧,轉去共怹某講:「來戲臺看一等的!」看了,腳骨一下酸,轉來:「拖車的,共我拖出來!」相當價賬三百,擲五百予伊,拖車的蹛遐找:「免找!免找!」 拖車的講:「哇…,我也真好孔!我也真好孔!」。這都是逐家好!若農家的人,別人無平安,咱自己家己平安。怹翁對怹某講:「你毋去紡粟仔?」、「我起手風 !」怹某對怹翁講:「抑你毋去做田?」、「我起腳風 !」土地拄好拋荒 ,無出收。「翁仔某來煮飯喔?」、「食蕃薯籤嘛無,敢有倘煮飯?」食薪勞人,都市的坐咧門腳口:「我苦矣!今仔日規日無賣半錢!」。對頭家講:「欲領薪金!」頭家講:「起痟!都無人納,欲領薪金?」年底賰一?五錢(sian)。五錢一下提出來,轉來到怹厝的。「牽手的,來戲臺看戲!」去甲門腳口,看一等的寫兩箍。「入來看?又閣賰五錢(sian),轉來較著!」拖車的:「我??你轉來!」。「免喔!免喔!免喔!我行路!」拖車的講:「我苦矣!我今仔日也無趁半錢(sian)!」若是別人歹,就是咱自己歹,逐家攏歹!好,逐家攏好!所以都一般逐家平安,即是應該!