臺灣音聲一百年網站

全文

此爿全全欲創彼號野獸的聲予恁聽。 臺北圓山動物園只有兩隻彼號百獸之王，彼號獅的聲。 隔壁虎聽見獅咧哮，伊也紲綴伊哮，此馬是虎的聲。 虎哮煞，紲落去赤牛的聲。赤牛紲落去彼號青土牛的聲。 青土牛煞，此馬是馬咧哮的聲。 馬哮煞，此馬是豬咧哮的聲。 此馬豬哮煞，彼號臺北出彼號烏貓公佮烏貓母啊。烏貓公咧叫烏貓母，烏貓母的時陣的爾爾，予伊叫一下應的時陣的爾爾， 直直佮伊咧ng-chng的聲。 遠遠一隻he烏狗公啊，看著he烏貓公佮烏貓母咧ng-chng按呢，伊按呢真袂做得，踮咧遠遠都直直共伊吠來。 喔，含he狗仔囝嘛紲佮伊吠參落去。 最後的時陣爾爾，烏貓公直直吠，直直倚來，紲鬥落去佮伊相咬按呢。此馬是烏貓公佮烏狗公的時陣咧冤家、咧相咬的聲。